BERGLIND

2008-10-09T22:58:00.002Z

Berglind er komin úr fríi...

Forsetinn er í veikindafríi
Utanríkisráðherra er í veikindafríi
Ingimundur Sigurðsson Seðlabankastjóri er kominn í veikindafrí
Björgólfsfeðgar eru týndir
Baugsfeðgar eru týndir
Bretar nýta hryðjuverkalöggjöfina á Ísland
Bandaríkin vilja ekki leika
Rússar eru nýjustu bestu vinirnir

Hver sagði hvað við hvern- hvenær og hvernig var það sagt?

Hef ég skoðun?

Ójá...ég get vart orða bundist...en ætla að þegja og einbeita mér að því að rifja aðeins upp íslenska sögu.

Sturlungaöld
Örlygsstaðabardagi
Snorri Sturluson
Sturla Sighvatsson
Hákon Noregskonungur
Skúli jarl
Gissur Þorvaldsson
Markús Marðarson
Símon Knútur
Árni beiskur
Þorsteinn Guðnason
Þórarinn Ásgrímsson
Árið 1241....Eigi skal höggva...
Árið 1262....Við játum Noregskonungi ævinlegan skatt og þegna

Árið 2008???

Þá er þessum dulbúna nafnaleik mínum lokið...eigið góðar stundir og verið góð við hvort annað :)

2008-02-24T18:07:00.002Z

Berglind er komin í frí
:)

Mun hafa skoðun og halda dagbók eftir að ég er búin að skila lokaverkefinu ógurlega!

Kveðja
Berglin ritóða ritgerðarfríkið!

2008-01-26T18:45:00.000Z

Kveðja frá St. Pétursborg

Klædd íslenskri flíspeysu- og buxum, þykkum göngusokkum, fjallaskóm og dúnúlpu og með loðna Rússahúfu á höfði arkaði ég út í mannmergðina. Ég var viss um að ég myndi falla vel inn í fjöldann enda var megið markmið dagsins að heimsækja útimarkaðinn Údélnaja þar sem enginn mátti vita að ég væri ekki Rússi.

Kvöldinu áður hafði ég setið með vodkaglas og ,,sakuski,, ( vodkasnakk sem samanstendur af olivíum, saltkexi og osti ) í hendi og fengið fínar ráðleggingar frá innfæddum hvernig ég ætti að bera mig. En það vita allir að í Rússlandi þá borgar þú MEIRA ef þú er útlendingur. Innfæddir voru á því að útlitslega séð þá yrði þetta ekkert vandamál, ég mætti bara EKKI tala. Eftir nokkuð mörg vodkaglös var ákveðið að ég skyldi þykjast vera mállaus og ef ég sæi eitthvað sem mig langaði til þess að kaupa þá ætti ég bara að kinka kolli til Kötu systur sem myndi þá leggja sig alla fram í prútti dagsins.

Þegar ég var á leiðinni í neðanjarðarlestinni á markaðinn fannst mér sem allir væru að horfa á mig en ég var fljót að gleyma þessum vangaveltum er á markaðinn var komið því það var svo margt að sjá. Údélnaja er ÚTImarkaður í sinni ýktustu mynd. Hann liggur við lestarteina í úthverfi St. Pétursborgar og þar má finna allt sem hugurinn girnist... á góðu verði EF þú ert Rússi. Údélnaja þýðir ,, Héraðið í fjarska,, sem liggur þó aðeins 12 km frá St. Pétursborg.

Við systurnar gengum hratt meðfram sölubásunum því stefnan var tekin á uppáhaldsstaðinn hennar Kötu. Er þangað var komið mátti sjá eldra fólk, bæði menn og konur, sem voru að reyna að selja þá furðulegustu hluti sem ég hef á ævi minni séð. Hlutirnir lágu ofan á plastdúkum á jörðinni nú eða jafnvel bara ofan á jörðinni í snjódrullunni, allir þaktir hvítum snjó, því það hafði jú byrjað að snjóa. Þarna var hægt að kaupa fálátar gamlar rússneskar ,,blautar,,bækur, brotna vasa, úr, sturtuhausa, ryðgaðar skrúfur, hermannaorður, jólaskraut, lykla, ryðguð skæri, notuð barnaföt á kafi í snjó, leikföng, hljóðfæri, hjól, lampaskerma, rafmagnstæki og auðvitað allt blautt eða ryðgað og eflaust margt bilað. Þetta var furðulegt samansafn af skrítnum hlutum og ég endurtek enn og aftur...ALLT Á KAFI Í SNJÓ!

Eftir ágætis rölt á milli plastdúka í drulluslabbinu fann ég djásnið sem átti eftir að verða mitt. Katan stóð sig í sínu og eftir skamma stund var ég orðin eigandi af eldgömlu rússnesku jólaskrauti frá 1950. Afar sælar og sáttar eftir kaup dagsins héldum við til baka í átt að lestarstöðinni. Er við vorum sestar inn í lestina uppgötvaði ég jú að það voru allir að horfa á mig. Þetta var ekkert bull í mér fyrr um daginn. Það voru ALLIR að glápa á mig! Ég fór að bera þetta undir Kötu og eftir að hún hafði grandskoðað mig þá var hún viss um að vera komið með svarið. Það var Rússahúfan, Rússar klæðast ekki húfunum sínum nema í -10 gráðu frosti en hitastigið var eflaust rétt við frostmark í dag. Þegar ég leit í kringum mig sá ég að ég var eina manneskjan í lestinni sem var með húfu. En ekki nóg með það að vera hallærislegur útlendingur með Rússahúfu á kollinum því Katan tjáði mér að húfan mín væri KARLAHÚFA.

Heima á klakanum er þetta ekkert mál, allir klæðast því sem þeir vilja klæðast hvort sem flíkin er merkt kk eða kvk en hér úti gera menn og konur greinarmun. Konur eru konur og karlar eru karlar. Rússneskar konur mega eiga það að þær eru ótrúlega kvenlegar og rússneskir karlmenn mega eiga það að þeir eru óttalega hallærislegir. Maður sér ekki eina rússneska konu í flísfötum eða gönguskóm þrátt fyrir slabb og snjókomu. Þær eru allar á háum hælum, klæddar eins og út úr nýjasta tískublaði, óaðfinnalega ýkt málaðar í skvísujökkum og pinnahælum.

Ég verð að viðurkenna það að á leiðinni heim leið mér hallærislega ókvennleg í flísfötunum mínum með karlahúfuna á kollinum. Það skiptir ekki máli hvernig viðrar á morgun ég mun setja á mig appelsínugula augnskuggann, skella mér í háu hælana og fara í pils. Því jú það skiptir máli ...ef maður vill ekki draga of mikla athygli að sér að vera EINS og hinir...

Knús og kossar

2008-01-11T19:51:00.000Z

Nothæfar upplýsingar!

Það er alltaf gaman að kynnast sjálfum sér örlítið betur.
Hér hafið þið 40 ítarlegar upplýsingar um moi.

1. Hvar ertu?
Sit heima hjá mér á rúminu með tölvuna fyrir framan mig.

2.Hvernig eru buxurnar þínar á litinn?
Bláar náttfatajoggingssss

3. Hvað ertu að hlusta á þessa stundina?
Þögnina... ég heyri í bílaumferð, fréttatímanum á efri hæðinni og svo heyrist óhljóð í tölvunni minni, hún er eitthvað að rembast.

4. Hvað eru 4 síðustu stafirnir í símanúmerinu þínu?
4818

5. Hvað var það síðasta sem þú borðaðir?
Hmm... hunangsmarineraður lax með salati og hrísgrjónum...hrikalega gott.

6. Ef þú værir vaxlitur hvaða litur værir þú ?
Gylltur

10. Hvernig er peysan/bolurinn þinn á litinn?
Svartur hlýrabolur

11. Líkar þér við persónuna sem sendi þér þetta?
Játs, hún er mitt hold og blóð, það er enginn í heiminum eins tengdur mér og hún.

12. Hvernig hefur þú það í dag ?
Mér líður vel, það er föstudagur!

13. Uppáhalds drykkur?
Noni, get ekki sagt annað því það er það dýrasta sem ég læt inn um varir mínar þessa dagana.

14. Besti áfengi drykkur?
Gin og Tonic, heilt sítrónutré og klakar... nammi namm...

15. Uppáhaldsíþrótt ?
Að lyfta glasi nú eða glösum sem er miklu erfiðara

17. Tekur þú lýsi?
Játs, 2 hákarlalýsispillur OG stór matskeið af þroskalýsi. Daglegur viðburður síðan í síðustu viku. Ég þarf á Omega3 að halda fyrir heilann minn sem er afar slappur.

19. Síðasta tímarit sem þú keyptir?
Ehhh.. : ) Sagan Öll, Vikan og Séð og Heyrt, allt keypt fyrir Kötuna sem þráir að lesa íslensk tímarit.

20. Systkini aldur og nafn?
Katan sem er 30 ára, Regína 21 árs og örverpið, 2m - 4 cm langi snáðinn hann Haraldur 19 ára.

21. Uppáhalds mánuður?
Desemeber... jólin jólin allllllssstaðar...

24. Uppáhaldsdagur ársins?
Aðfangadagur

25. Ertu feiminn að bjóða einhverri/jum út?
HA...ég? *Roðn*

26. Hvort líkar þér betur hryllingsmyndir eða góðar myndir?
Góð skilgreining, því hryllingsmyndir eru EKKI góðar myndir... Ég vel góðar myndir frekar ( stolið svar frá Lilju frænku )

27. Sumar eða vetur?
Ég er vetrardrottningin...

28. Knús eða kossar?
Já takk!

29. Sambönd eða einnar nætur gaman?
Já takk!

30. Súkkulaði eða Vanilla?
Jarðaber : )

31. Viltu fá þetta sent til baka af vinum þínum?
Já auðvitað. Þar sem ég hef takmarkaðan tíma fyrir vinaknús þessa dagana væri fínt að kynnast þeim frekar í gegnum tölvuna.

32. Hverjir svarar þessu örugglega?
Vinir mínir vonandi, ef ég á einhverja eftir, og ef ég sendi þetta til þeirra.

33. Hverjir svara þessu örugglega ekki?
Þeir sem fá þetta ekki sent til sín.

34. Í hvaða landshluta býrð þú?
Það er gott að búa í Kópavogi, tróni á toppnum þar!

35. Hvaða bók ert þú að lesa núna ?
Hnífur Abrahams eftir Óttar M. Norðfjörð

36. Hvernig er músarmottan þín á litin?
Ég á bara eina músarmottu sem er hnotuviður og er notuð sem skraut á borði.

37. Skemmtilegasta spilið?
Matador og og og Viðskiptaspilið. Ég er alltaf stóreignamanneskja í þeim spilum.

38. Hvað gerðir þú af þér í gærkvöldi?
Ég fór í bíó með Lady Marý og skemmti mér vel.

39. Hver er þín uppáhalds lykt?
Lyktin á veggnum í kjallaranum á Laufvangnum, held það hafi verið olíulykt, hmmm....nammi nammi...mig langaði alltaf að sleikja veggina.

40. Hvað er það fyrsta sem kemur upp i huga þér þegar þú vaknar á
morgnana?
Nýr dagur alltaf sama martröðin aftur og aftur....eða Hvar er ég?? ( a la Mjallhvít)

Þar hafið þið það...

2008-01-05T19:00:00.000Z

Nýarsgjöf

BERGLIND BULLAR ÓTT OG TÍTT
BULLAR ALLA DAGA
AÐ BULLA ER HENNI EKKERT NÝTT
BEGGA ER BULLU SAGA

Ég fékk þessa kærkomnu vísu í nýarsgjöf og vil gjarnan leyfa ykkur að njóta hennar með mér.

Kveðja
Berglind

2008-01-02T18:42:00.000Z

Gleðilegt nýtt ár... þetta ár er MITT ár!

Ég steig á stokk um áramótin, eða öllu heldur á einn af rifnu flugeldakössunum í götunni hjá pabba, og fór með heit mín fyrir árið 2008! Heitin voru strengd í einveru undir hávaða flugeldanna sem lýstu upp himininn. Í hávaðanum mátti greina 1812 Overtue Tchaikovsky sem ómaði út um gluggann. Þetta tónverk er hreint út sagt stórkostlegt og var samið fyrir 128 árum síðan og fjallar um sigur Rússa á Napoleon.

Frá því ég man eftir mér hefur þetta 15 mínútna langa verk verið spilað rétt fyrir miðnætti á mínum bæ og náð hápunkti á slaginu tólf, er flugeldasprengingar ná hámarki. Á þeim tímapunkti í verkinu má heyra sprengingar úr kanónum, háværar kirkjuklukkur hringja og flugeldar springa. Ég get ekki hugsað mér betri stemmingu til þess að kveðja gamla árið og fagna því nýja.

En aftur að heitunum, þau hafa nú verið innsigluð í huga og hjarta og eins og títt er í dag þá eru þau einkamál og aðeins fyrir mig að hafa gaman af... að fráskildu einu heiti sem ég hyggst deila nú hér á síðunni.

En þannig er mál með vexti að oft líður mér eins og skáldsagnarhetjunni Bridget Jones. Ef ekki væri fyrir þær ágætis bækur og bíómyndir þá hefði ég eflaust sjálf sest niður og skrifað grátlega fyndna bók um eigið ágæti.

Vinir og vandamenn hafa verið duglegir við að benda mér á, með einum eða öðrum hætti, að þjóðfélagsstaða mín er hreint út sagt ömurleg! : )
Ég er þrjátíuogþriggja ára gömul einhleyp kona ( öðru nafni, gott efni í piparjúnku ). Vegna þessa hefur undanfarið verið gefið út ókeypis skotleyfi á mig sem náði áhugverðum hápunkti á árinu sem leið.

Ég get nánast fullyrt að í öllum þeim fjölskylduboðum sem ég fór í á árinu 2007 beindust umræður um mig og mínar ,,aðstæður,, .

- Berglind þú ert of kröfuhörð!
- Ef þig langar til þess að eignast börn þá þarftu að fara að drífa í því heillin, ég heyrði að þrjár
konur af hverjum tíu væru búnar að missa legið fyrir 35 ára aldur!
- Hvernig væri nú að þú tækir saman við X, þetta er fínn strákur, voða góður, þénar vel. Jújú...
ég veit hann burstar aldrei í sér tennurnar og er ekkert sérlega aðlaðandi en þú getur nú kippt
því í lag. Hver kona þarf auðvitað að móta sinn karl!
- Þú þarft engann karl til þess að eignast barn, bara skella sér á djammið!
- Er ekki búið að opna sæðisbanka í Danmörku?
- Berglind mín... hneigist þú að konum?

Ég gæti haldið áfram en læt staðar numið í þessum upptalningum því eins og sjá má þá snýst þetta jú allt um mann og börn... og ef ekki mann þá allavega börn!

Það hefur verið reynt að koma mér saman við menn á aldrinum 19 til 48 ára, sumt auðvitað í gríni en hvað liggur oftast á bakvið grín?
Á bakvið grín liggur alvara lífsins, ég ætti nú að vita það enda búin að skrifa heila ritgerð um viðfangsefnið.

Er ég viðraðaði þetta vandamál við eina góða vinkonu mína sagði hún mér að ég hlyti að bjóða upp á þetta. Ég varð hissa og fór að velta því fyrir mér hvort það gæti verið. Eftir töluverðar vangaveltur komst ég að því að það hlyti eflaust að vera. Ómeðvitað með hátterni mínu gæfi ég höggstað á sjálfri mér og það væri kominn tími til þess að því að taka fyrir slíkt og gera eitthvað í málinu. Ég ákvað því á milli jól og nýár að eitt af heitunum fyrir árið 2008 væri að taka fyrir allar umræður sem snérust að mínu einkalífi.

Mér fannst þetta fínn tími til þess að taka ákvörðunina þar sem aðeins var eftir að fara í tvö fjölskylduboð. Í þessum boðum gæti ég meðvitað fylgst með sjálfri mér og gert smá tilraun fyrir nýja árið. Fyrra boðið gekk ágætlega og afrek þess boðs var ein athugasemd.

En svo kom gamlárskvöld.

Við sátum við fagurlega skreytt borð hlaðið dýrindis dásemdum og við hvern disk lá eitt knall ( svona áramótaskraut sem er pakkað inn eins og karmella og maður þarf að toga í sitthvorn endann á og þá kemur eitthvað dót úr því ) :)

Undanfarin ár hefur verið hefð í gamlársfjölskylduboði að hver og einn fái málshátt sem hann les upp fyrir fjölskylduna. Málshátturinn á að vera á einhvern hátt lýsandi dæmi um þann sem les upp. Í þetta sinn var málsháttur inni í knöllunum. Sem þýðir jú auðvitað að það gat enginn vitað hvað hver og einn fengi. Eftir að allir hefðu opnað sitt knall og lesið upp spekina var komið að mér að gera slíkt hið sama. Ég sprengdi mitt knall og fékk silfraðan fisk og bréfsnepil sem ég opnaði og las upp...

- GOTT EIGA ÞEIR SEM GIFTIR ERU EN GUÐ HJÁLPI MÉR

Athugasemdir þessa kvölds um mitt einkalíf eru óteljandi.

Eflaust get ég stjórnað einhverju varðandi umræður um mitt einkalíf en ekki öllu, það er víst!
En upp á flugeldakassann hef ég stigið og strengt mín heiti... árið 2008 er MITT ár!

2007-12-29T18:55:00.000Z

Skrýtnar reglur hjá ###

Samkvæmt farseðlinum mínum er ég á leið til ### en samkvæmt ### er ég ekki velkomin á 30 daga vísa, ástæða?
Jú, hvað ætla ég að gera þarna í 30 daga, ég hef ekkert að gera þangað í 30 daga. Í afar persónulegu bréfi sem ég fékk sent til mín í dag var mér tjáð að ég hefði sko ekkert að gera með að vera lengur en 2 vikur! Á tveimur vikum gæti ég farið á söfn, skoðað mig um, hitt fólk og haft gaman. Tvær vikur væri fyllilega nægur tími en 30 dagar væri ,,spúkí,, ferð.

,,Spúkí,, ferð krefst ítarlegra upplýsinga um hvað ég hyggst gera, hvern ég ætla að hitta, hvar ég ætla að búa og hversu mikla peninga ég ætla koma með inn í landið.

Nú þar sem ég er útlendingur þá má ég bara búa á hóteli ( sem ég náttúrulega mun gera ) því ef svo ótrúlega vildi til að ég þekkti einhvern, sér í lagi útlending, sem byggi í landinu þá mætti ég EKKI búa hjá honum. Útlendingar mega nefnilega ekki leigja húsnæði þarna úti. Svo EF ég þekkti einhvern ( sem ég geri náttúrulega ekki ) þarna úti sem væri útlendingur þá þyrfti hin sami að vera í námi og búa á stúdentagörðum. Og ef hann byggi á stúdentagörðum þá mætti ég náttúrulega ekki búa þar með honum því ég er jú ekki í námi þarna úti!

Eins gott að ég þekki engan útlending þarna úti sem er í námi og býr á stúdentagörðum!

Það sem er ennþá furðulegra er að samkvæmt gömlum ### lögum sem N.B. eru enn við lýði þá mega útlendingar ekki heimsækja það!

Svo niðurstaðan er þessi:

Ef allt gengur eftir þá er ég EKKI að fara að heimsækja ### í aðeins 2 vikur sem er sko nægur tími til þess að skoða hús og fólk. Og mun EKKI búa hjá einhverjum sem ég EKKI þekki sem er EKKI útlendingur í námi sem býr EKKI í eigin leiguíbúð.

Ég bíð spennt eftir EKKI ferðinni minni og krefst þess að þeir sem vilja segja skoðun sína á þessu bloggi nefni EKKI nöfn, lönd, eða annað sem mun skaða EKKIÐ mitt...

Takk fyrir og gleðilegt nýtt ár! : )

2007-12-17T19:45:00.000Z

Ég þoli ekki...

að borga fyrir þjónustu sem ég svo ekki fæ!

Þannig er mál með vexti að ég er ein þeirra sem hefur vanið sig á þjónustu 118 sem er afar slæmt og hallærislegt þar sem ég á símaskrá. En þessi galli minn er algjörlega múttu að kenna!

Allavega, undanfarin skipti er ég hef nýtt þessa ,,þjónustu,, hef ég fengið vitlaust númer uppgefið eða viðkomandi símadama hefur ekki fundið númerið sem ég var að leita að eftir að hafa haldið mér í símanum í laaaangan tíma sem ég auðvitað borga!

Í dag hringdi ég í 118 og þurfti að fá símann hjá ræðismanni Rússlands hér á landi sem ég veit að er á Túngötu. Símadaman fann ekkert númer eftir langa leit, gott og vel. Þá bað ég um númerið hjá sýslumanni og ég fékk rangt númer uppgefið og fyrir þetta hef ég eflaust borgað um 100 krónur. Réttlætiskennd minni er misboðið og ég verð að tjá mig um þetta hérna fyrir jólin, pústa smá út. Ég veit að þetta eru nokkrar krónur en mér er sama, rétt skal vera rétt. Ef fleiri hafa svipaða sögu að segja og ég þá erum við heldur ekkert að tala um nokkrar krónur!

Ég veit ekki hvað er í gangi hjá 118 en viðskiptahættir þeirra eru til háborinnar skammar. Ég man þá tíma er ég hringdi í 118 og fékk upplýsingarnar nánast áður en ég bað um þær! Það var í þá gömlu góðu daga þegar allir voru svo færir í vinnunni sinni, fyrir tíma tæknivæðingar, þegar fólk hafði nokkuð sem kallst VIT!

Ég veit svo sem alveg hver lausnin er því ekki sé ég fram á að fá endurgreitt fyrir þá þjónustu sem ég hef hingað til borgað fyrir en ekki fengið. Og ekki nenni ég lengur að láta þetta pirra mig, það er kominn tími til þess að endurnýja kynni mín við símaskrána...hún svíkur engan!

Mín ráðlegging til ,,JÁ 118,, er að þeir ættu að fara að segja ,,Góðan daginn kæri viðskiptavinur, mikið er veðrið gott í dag. Þú hefur hringt í JÁ 118, get ég aðstoðað,, og þá kannski... þá kannski ná þeir upp tapinu við að missa mig sem viðskiptavin!

Jæja þá er þetta púst búið... :)

2007-12-12T18:57:00.000Z

Rússja hjér æ komm

Þá er það ákveðið. Rússland verður heimsótt í fyrsta sinn á minni ævi janúar 2008!
Eflaust er það engin tíðindi að ein sauðkind af skerinu ferðist út fyrir landsteinana en þessi ferð er merkileg, mikilvæg og meirirháttar sniðug.
Í nær þrjú ár hef ég falið mig á bakvið skólanám sem hefur fjötrað mig niður á ansi furðulegan hátt. Í einu af mínum hallærislegum ákvörðunartökum ákvað ég að til útlanda færi ég ekki fyrr en að námi loknu. Ansi sniðugt á þeim tíma en ekki svo sniðugt er litið er til þess að mín yndislega litla rauðkusystir hefur alið sinn mann í Rússalandi á þriðja ár ÁN ÞESS AÐ ÉG HAFI HEIMSÓTT HANA og ég skammast mín í botn!

Hvað er maður að takmarka sig svona...setja fyrir illa lyktandi og myglaðar gulrætur í þeirri von að hvað? Lífið er of stutt til þess.
Svo hingað og ekki lengra, hér með lýsi ég því yfir að hallærislega ákvörðunartakan á sínum tíma verður hér eftir merkt ,, dauð innihaldslaus og hallærisleg yfirlýsing,,.

Út vil eg og út skal ég fara :)

Kata-skan...eins gott að fara að búa um gestarúmið og skrifa niður óskalista um það sem ég á að hafa með mér frá klakanum.
Loðhúfan mín er komin ofan í tösku, lopapeysan verður sett út í rokið til hreinsunar og dúnúlpan er til í tuskið....

2007-12-10T20:21:00.000Z

Þessi pistill er tileinkaður Emsunni minni og Marý!

Stúlkur ég þakka lífgjöfina! Hvar væri ég stödd í dag ef ekki hefði verið fyrir hugulsemi ykkar í minn annars hvítvínssósa garð!

Fyrir þá sem ekki vita þá mætti ég sæl til skemmtilegs kvennaboðs síðastliðinn föstudag. Það er óhætt að segja að þjónn dagsins hafi staðið sig ansi vel í stykkinu, ég man ekki eftir því að hafa verið með tómt glas í hendi þá nánast þrjá tíma ( minnir mig) sem ég sat boðið. Ef ég tók sopa þá kom uppfylling í glasið nánast um leið! Þetta er auðvitað frábær þjónusta fyrir þá sem KUNNA með hana að fara.

Mér leið eins og ég væri alltaf með þetta sama glas sem auðvitað er rétt. Ég var bara með eitt glas en ávallt nýjan vökva til þess að þamba, sem ég gerði auðvitað mjög mjög dömulega. Nú...veislan leið áfram og ég efldist í þamberíinu þangað til tekin var sú ákvörðun að skella sér í opnun ónefndrar verslunar sem mér fannst bara snilldarákvörðun. Skella sér í smá sjoppíng áður en haldið var niður í bæ!

Nú einhvern vegin komst ég í fylgd E og M í opnunarteitið. Er ég gekk inn um dyragættina laust því upp fyrir mér að ég væri nú eflaust ekki í góðu sjoppíng formi, allt snérist sem ekki átti að snúast, ég leið um á bleiku skýji, létt á fæti, nánast þyngdarlaus.

Það leið ekki á löngu þar til ég uppgötvaði að hin léttfæta balletdansmær á bleika skýjinu væri eflaust líkari fíli í postulínsbúð.

Braml, brot og skvarl!!...

Með mínum kvenlega glæsileika hafði mér tekist að aflima saklausan jólasvein. Staðráðin í því að borga fyrir misgjörð mína leið ég áfram að afgreiðsluborðinu. Ég var með tvö vísakort, eitt debetkort og pening, ég HLAUT að eiga fyrir brotunum, hugsaði ég og krafðist þess að fá að borga brúsann. Það gekk erfiðlega að sannfæra búðarkonuna sem þó loks gaf sig enda hefur hún eflaust ekki nennt að rökræða við hvítvínsbað. Reikningurinn hljóðaði upp á heilar 490 krónur sem ég borgaði afar sátt. Stórslasaði jólasveinninn var settur í veskið og haldið út í leigubíl sem var allt í einu kominn á svæðið. Við brunuðum í bæjarheimsókn þar sem Beggan var sett í kærkomið kaffibað. Eftir gott og heitt kaffi var ekkert annað en að skella sér á dansgólfið sem við E og M gerðum með svaka stæl!

Stelpur, takk fyrir skemmtilega kvöldstund, takk fyrir að taka mig með, takk fyrir að hafa ekki yfirgefið mig og takk fyrir að koma mér heim!

Takk! : *

2007-12-05T18:10:00.000Z

Jólabarnið er vaknað eftir langan dvala

Ég er búin að laga til og henda öllu drasli inn í þvottahús svo ég geti nú skoðað það ef ég hef ekkert betra að gera. Því drasli má ekki henda..nei nei nei... það þarf að flokka. Sumt fer í Góða hirðinn, annað í Rauða Krossinn, svo er það pappírsgámurinn, blaðagámurinn og allt annað í ruslið. Sorpa verður heimsótt á næstum vikum ef bíllinn minn þolir að bera allt þetta draslerí. Það er allt fínt og flott enda hef ég nú haft næstum þrjá mánuði til hreingerningastarfa :)

Jólabarnið er komið í ham ( þrjár vikur síðan það gerðist ) og geri ég vart annað en að drekka malt og appelsín ( úr glerflöskum því það er best ) og hlusta á Pottþétt Jól. Ég er búin að skreyta húsið með grænum greinum, draga fram allt glitrandi glingur, kveikja á öllum þeim seríum sem hægt er að tengja í tenglana, kaupa kerti og hnetur, jólapappír, merkisspjöld og jólakort, skrifa jólagjafalistann, jólakortalistann. Jólatréið skartar sínu fegursta, ofhlaðið að vanda en svo undurfagurt að ég nenni stundum ekki að fara að sofa á kvöldin.

Lífið er bara dásamlegt! Ég á eftir tvær vikur í vinnunni og eftir 10 daga ætla ég í sjálfskipað jólafrí frá eilífðarverkefninu mínu. Ég er eiginlega viss um að ég eigi eftir að fá Dr. nafnbótina út á það ... sé þetta alveg fyrir mér...

,, Þvílíkt úthald, þvílíkt hugmyndaflug, þvílík vinna...þú þarft ekkert að fara í Dr. nám...þetta verk er DR-VERKEFNI!!!, .....hmm...þvílíkt bull.

Snúum okkur aftur að hinu góða...jólin...jólin..jólin... Þarnæsta vika verður yndisleg í vinnunni en þetta árið fæ ég að dansa á kaupi í kringum jólatré. Það er ansi langt síðan ég hef dansað í kringum annað tré en mitt. Ég verð nú að viðurkenna að ég hef aldrei verið á kaupi áður við þá iðju. Þessa sömu þarnæstu viku fæ ég að klæðast jólahúfu í HEILA VIKU og skreyta mig öllu því jólaglingri sem ég á , snjókarlabolir, jólasveinasokkar, jólasveinalopapeysa, blikkandi jólasveina eyrnalokkar, hreyndýraeyrnaskjól, jólabjöllunælur, jólaúr og og og blikkandi snjóbolta eyrnaskjól. Loksins fær mitt innra jólabarn að lýsa skært og það ...var ég búin að segja það..
Á KAUPI!

Já...lífið er dásamlegt ;)

2007-09-14T20:48:00.000Z

Ég er að drukkna í drasli!

Eftir tveggja mánaða fjarveru hefur ansi mikið ryk og drullumsull safnast fyrir á furðulegustu stöðum á mínu annars yndislega heimili.
Ég þoli ekki ryk, er algjörlega á móti því og skil ekki tilganginn með því.
Í stað þess að blása rykið af hillum ákvað ég að standa í stórræðum og hefja allsherjar jólahreingerningar og pússerí, ekki seinna vænna þar sem nú eru aðeins 101 dagur til jóla.
Mér finnst þetta snilldarhugmynd hjá mér að nýta birtuna meðan hún er enn til staðar í stað þess að þykjast laga til í myrkvasta skammdeginu.

Megin markmið þessarar tiltektar er ekki aðeins að leggja mitt að mörkum til hreinni veraldar heldur einnig að henda, henda, henda...
Jamm, söfnunaróða fríkið hefur tekið þá ákvörðun að farga eins miklu og það mögulega getur.
Þessi ákvörðun var samþykkt einróma á heimilisfundi sem haldin var í síðustu viku eftir að húsfrúin hafði lesið kaflann um heimili í snilldarbókinni ,, Einfalduðu líf þitt - 100 leiðir til þess að draga úr streitu og njóta þess sem raunverulega skiptir máli,,.

Eftir lestur kaflans komst ég að því að ég á ansi mikið af furðulegum hlutum sem eiga ekki að skipta mig máli, hafa engan tilgang og eru bara fyrir. Jamm... ég sagði eiga ekki að skipta mig máli því það furðulega er að ég elska hluti, helst ef þeir eru gamlir og lúnir sem engin vill eiga.
Þessi ást mín hefur leitt til þess að ég hef í gegnum tíðina ættleitt furðuhluti sem aðrir vilja ekki eiga og tengst þeim órjúfanlegum tilfinningarböndum.
En hingað og ekki lengra! Vík frá mér drasl ...og aðrir ef þið eruð að lesa þetta...passið ykkur bara er þið opnið jólagjafirnar frá mér þetta árið... : )

2007-08-16T23:12:00.001Z

Gædalæti

Púff...sviti og meira púff...drivergædalæti eru sko alvöru læti. Ég og síminn minn erum andlega uppgefin eftir 24 daga ævintýri. Ég verð þreytt andlega við að hugsa um það sem hefur gengið á undanfarna daga svo hér verður stiklað á stóru!

Ferð 1

Ónýtur rafgeymir, tvisvar rafmagnslaus, hristingur í stýri, lausar legur og hjólabúnaður alvarlega vanstilltur, furðuleg ljós kvikna og slökkna í tíma og ótíma í mælaborðinu. Leki úr dekki, varadekkið ónýtt, smurolíulaus, kerra með brotið afturljós, að liðast í sundur og rafmagnslaus. Niðurstaða: Tvær heimsóknir á verkstæði, tvö rafmagnsstört og fullt af þolinmæði.

Ferð 2

Borgarbíll sendur í hálendisferð, ljóslaus, ekkert varadekk, sama helv. kerran enn rafmagnslaus með brotið afturljós og jú að liðast í sundur. Skipt um bíl og hann einnig ljóslaus. Sæti fyrir 15 manns en aðeins skráður fyrir 8, ekkert hópbifreiðarleyfi. Niðurstaða: ÉG VIL NÝJAN BÍL!!!! Fæ nýjan bíl sem er sá sami og var á fyrsta degi, ljóslaus, útvarpslaus MEÐ EKKERT VARADEKK!, númerislaus, eitt nagladekk.

Sem sagt bíllinn vekur athygli vegagerðarinnar sem stoppar auðvitað og gerir athugasemdir sér í lagi þar sem ökuritinn var ÓSKRÁÐUR! Niðurstaða: Verkstæðisheimsókn þar sem undanþága var fengin fyrir óskráðum ökurita, reynt að laga helv. kerruna, naglarnir plokkaðir úr dekki.

Ferðinni haldið áfram varadekkjalaus með kerru að liðast í sundur. Niðurstaða: KERRAN FLIPPAR YFIR UM og ákveður að gefa upp öndina á miðjum Sprengisandi. Mér til undrunar liðast hún ekki í sundur heldur hrynur hjólabúnaðurinn undan henni! Ferðinni haldið áfram án helv. kerrunnar. Borgarbíllinn var því ofhlaðinn af farþegum, farangri og matvörum. Springur á einu dekki ...var ég búin að nefna það að ég var VARADEKKJALAUS!

Skipt um bíl þar sem borgarbíllinn var ekki á leið í Þórsmörk. Fæ þennan fína bíl með engum geislaspilara og frábæra kerru með varadekki :) Þegar hér er komið í sögu er ég þokkalega ánægð með farartækið en á eingöngu einn dag eftir. Honum eyddi ég vel með því að festa mig í glæsilegri á á leið inn í Þórsmörk. Niðurstaða: Dregin á þurrt af skálavörðum.

Ég er búin að læra mikið á þessum tveimur ferðum.

Í fyrsta lagi: EKki treysta neinu sem er sagt sér í lagi ef eigandi bílsins segir þér eitthvað.
Í öðru lagi: Ekki fara af stað í ferð án þessa að hafa með varadekk, sama þó þér sé sagt að þú þurfir ekkert á því að halda.
Í þriðja lagi: Ekki treysta á varadekkið því það gæti verið ónýtt.
Í fjórða lagi: Lestu yfir alla pappíra sem eiga að fylgja bílnum, ef engir pappírar eru í bílnum, ekki fara af stað.
Í fimmta lagi: Sætafjöldi í bíl segir ekkert til um það hvað hann sé skráður fyrir mörg sæti!
Í sjötta lagi: Þó það sé ökuriti í bílnum þá er ekkert þar með sagt að hann sé LÖGLEGA SKRÁÐUR!
Í sjöunda lagi: Vandaðu val þitt á þeim sem þú leitar upplýsinga hjá, illa innrættir bílstjórar sem hata konur undir stýri munu gera hvað sem þeir geta til þess að það fari illa fyrir þér.
Í áttunda lagi: Kerrur sem líta út fyrir að vera að hrynja í sundur munu fara illa með þig.
Í níunda lagi: Ef bíllinn er ljóslaus þá eru einnig miklar líkur á því að eitthvað annað alvarlegra hrjái hann.
Í tíunda lagi: Þolinmæði þrautir vinnur allar.

Kveð að sinni og sé ykkur í lok ágúst með fallegan rauðan nebba, úfið hár og vindbarnar kinnar!

2007-06-27T16:50:00.001Z

Síminn virkar en heilinn ekki!

Þetta er ótrúlega lífseigt tæki! Síminn lætur eins og ekkert hafi gerst og hagar sér eftir því!

Það er gott að eitthvað virki því hið sama er ekki hægt að segja um heilabúið mitt. Það er óvirkt með öllu! Ég komst að því í þessu símaleysi mínu að ég man varla símanúmer minna nánustu ættingja og vina. Það var því lítið hringt í 3 daga sem var afar þægilegt í raun og veru.

Nú allavega...er síminn komst í lag þá tók ég eftir ókunnulegu númeri sem hafði reynt að hringja í mig á furðulegustu tímum í ansi mörg skipti. Forvitnin var alveg að drepa mig.

Ég var alveg viss um að verið væri að leitast eftir mér í vinnu í sumar svo ég varð bókstaflega að komast að því hverjir þetta væru sem þyrftu nauðsynlega á mér að halda. Ég hringdi í 118 ( eitt af þeim númerum sem hafa fest sig við minni mitt ) og sóttist eftir frekari upplýsingum.

Þar kom ég að lokuðum línum því símadaman tjáði mér að þetta væri leyninúmer og hafði engan hug á að gefa mér frekari upplýsingar.

Úúú...leyni- hvað! Ég hélt nú ekki! Ég skyldi sko fá að vita hverjir þetta væru, hvað þeir vildu mér. Þeir höfðu nú ekki bara einu sinni hringt í símanúmerið MITT heldur MÖRGUM sinnum, ég átti því SKILIÐ að vita um hvað málið snérist.

Það var ekkert sem heitir, ég varð bara að hringja í þetta númer, kynna mig og athuga hvort ég kæmist ekki þokkalega frá þessu.

Ég hringdi, hjartað dældi blóði, það hringdi, hjartað dældi meira blóði, það hringdi aftur og svo var svarað.

- Halló ( djúpri röddu...hmm...kunnuglegri röddu...?

- Ehh...( Skræk rödd...) Ehh...ert þetta þú pabbi?

Ég slapp ekki þokkalega frá þessu. Samræðurnar sem á eftir fóru voru frekar hallærislegar skrítnar frá minni hálfu. Þvílík skömm! Ég held ég muni aldrei gleyma gsm-númerinu hans pabba aftur!

2007-06-24T23:15:00.000Z

Ég var bara að snýta mér!

Ég sturtaði símanum mínum niður áðan...

Allt í lagi, margur heldur eflaust að ég hafi loks tekið meðvitaða ákvörðun um að losa mig við friðarspillinn í mínu lífi en nei...þetta er ekki alveg svona einfalt.

Þetta hófst allt á því að mig klæjaði í vinstri nasarholu sem er yfirleitt ekki frásagnarvert.
Nú allavega ég skondraði kát og glöð inn á bað, tók mér klósettpappír í hönd og gerði það sem góðri dömu sæmir, blés ,,klæjinu,, út. Þegar því var lokið sturtaði ég niður áður en ég henti pappírnum ofan í salernið og viti menn...síminn ( sem á þessari stundu var í hægri vasa kjólsins sem ég var í ) hoppaði, frelsinu feginn, upp úr vasanum og ofan í salernisskálina!

Með snýtipappír í hönd, bograndi yfir klósettið horfði ég með skelfingarsvip á símann hverfa í vatnsbununa. Um hug minn flögruðu ófagrar hugsanir...

- Hann ( síminn ) vill ekki vera með mér þar sem ég er búin að tala svo illa um hann.
- Hann ( síminn ) mun nú sitja á hafsbotni aleinn og yfirgefinn til eilífðarnóns, mengun af völdum
Berglindar.
- Nú getur enginn hringt í mig og ég búin að týna öllum mikilvægustu símanúmerunum í lífi
mínu.
- Nú er stigagjöfin mín í Galaxy leiknum týnd og tröllum gefin.
- Nú þarf ég að kaupa mér nýjan síma...sem er jú ágætt þar sem þessi sími var svo leiðinlegur.

En þegar sturteríinu var lokið sá ég hvar síminn lá eins og fögur svört aða á botni skálarinnar.
Honum hafði ekki tekist að strjúka frá mér, mér hafði ekki ómeðvitað tekist að losa mig við hann. Ég vippaði honum upp úr vatnssullinu, tók hann í sundur og lagði partana á hillu. Og þar liggur hann núna til þerris líkt og blautur líkami í sólbaði örugglega rígmontinn í sinni fyrstu hvíld frá því ég keypti hann.

Hvaða lærdóm er hægt að draga af þessari lífsreynslusögu?

Jújú... Í fyrsta lagi, ef þú hendir síma í klósettið og sturtar niður þá fer hann ekki út á haf.
Í öðru lagi, símar, líkt eins og mannfólkið, þurfa sína hvíldardaga. Ef símaeigendur neita
þeim um slíka hvíld þá munu þeir gera hvað sem er til þess að öðlast þá.
Í þriðja lagi, Maður á aldrei...ALDREI að henda einu litlu snýtubréfi í klósettið og sturta
því svo niður. Það er óumhverfisvænt og eyðsla á vatni. Heldur skal maður henda slíku
bréfi einfaldlega í
RUSLIÐ!

2007-03-06T23:39:00.000Z

Ímyndum okkur hinn fullkomna heim!
Sjáið þið hann fyrir ykkur?

Ég finn lyktina af grasinu græna, hoppandi glaðlegt og jákvætt fólk spassera um götur borgar, leiðast með hund í bandi og vel upp alin börn nartandi í hundasúrur við hlið þeirra. Allt fullkomið...Í DRAUMALANDI!!!

Hvað í HELVÍTINU halda menn að maður sé??? FÍFL?? HEIMSKINGI???
Ég er farin að halda það og fékk í raun og veru staðfestingu á því er ég skrapp í sakleysi mínu í bíó í kvöld.
Bíóverð sem hækkaði í 900 krónur ekki alls fyrir löngu er komið í NÍUHUNDRUÐOGFIMMTÍUKRÓNUR!!!
Ég sé þetta alveg fyrir mér og á heldur raunsærri máta en ofannefndur draumur.

Tveir sveittir menn sitja við hringborð ásamt öðrum ekki svo sveittum...

...Jæja þeir ætla að lækka virðisaukaskattinn Hr. Fébjóður..hahmmhaaa.....hvað eigum við að gera...ekki getum við látið þetta renna beint í vasa neytendans ..ha??
(smjatt, slef og svitastrokur)

...Nei...Hr Nískur...það getum við ekki gert....við sjáum sko við þessu..hvað halda þeir eiginlega að þeir geti komist upp með!!! ( hávær rödd, rauðþrútið andlit, spik veltir yfir borðplötuna.

...Já þetta er óforskammað, ég er nýbúinn að fjárfesta í þrjúhundruðogfimmtíumilljóna húsi og keypti hundraðkrónumilljónabíl handa viðhaldinu. Ég held ég verði að aflýsa Pavarotti tónleikunum sem ég ætlaði að halda fyrir hundinn á morgun. Get ekki fengið það að mér, enda á ég ekki eftir að njóta þess við þá tilhugsun að eitthvað lækki. Síðan hvenær hefur það gerst?...Heldur þú Hr. Fébjóður að það sé byllting framundan, ég meina síðan hvenær hefur það gerst að neytandinn fái eitthvað fyrir sinn snúð?

...Þetta er alveg satt hjá þér Hr Nískur...hingað og ekki lengra. Við sjáum við þessu. Neyðumst til þess að lækka nammið annars fara einhverjir brjálaðar feminista húsmæður í hart við okkur en HÆKKUM bíóverðið í staðinn.

HAHAHAHAHAHAHAHAHAHA (sviti og spik skvettist um herbergið).

...En fyrirgefið herrar, þrátt fyrir að virðisaukinn lækki þá fer það ekki úr ykkar vasa, ekki eins og þið verðið persónulega fyrir fjárhagslegu tapi!

Tveir menn með græðgislegan peningasvip líta í áttina til raddarinnar úr horninu.
...Hr. Heilbrigð skynsemi...ÞÚ ERT REKINN!!!.... Öskra þeir og henda honum út í kuldann.

Þar sem ég þarf nú að hætta við að sækja bíóhúsin heim hugsaði ég með mér...guði sé lof fyrir videoleigur ( ekki að ég sé geðveikur myndaglápari, en það er einfaldlega ágætt endrum og eins að sjá fína mynd). En viti menn...sama sagan þar...videospólur kosta núna 600 - 650 kr sem áður kostuðu 500 krónur.

Sælgætis og videohöllin í Garðabænum fær rós í hnappagatið því þar á bæ halda menn sönsum og bjóða viðskiptavinum 2 spólur á heilar 400 krónur. Krambúðin gerir 100 kalli betur og býður þær á 300 kr.

Síðan er náttúrlega alltaf hægt að fara inn á peekvid.com og horfa á þetta allt saman þar...

Jamm....það er vandlifað í sveittum heimi!

2007-03-04T22:00:00.000Z

Pufff...
Þetta er búið að taka tímana tvo ( eða þannig ).
Búin að eiga í erfiðleikum með að komast inn á eigið blogg en ekkert getur stoppað mig núna þar sem ég hef öðlast aðgang að því á ný.

Í fréttum er þetta helst!

Gæsaveisla Emsunnar heppnaðist mjög vel enda haldið á sjálfan júródaginn svo auðvitað gat ekkert farið úrskeiðis.
Eftir hrikalega skemmtilegan tíma í magadansi með gæsinni og gæasavinkonum hef ég komst að því að ég ELSKA magadans og sé fyrir mér frama á því sviði. Það bíður upp á ALLT sem Berglindin þarf til þess að vera hamingjusöm.

Magahreyfingar og notkun á furðulegustu vöðvum sem ég vissi ekki að ég hefði.
Guðdómlega yndislega tónlist.
Glæsilegt glingur og glimmer búningar og síðast en ekki síst TÖFRABRÖGÐ MEÐ SLÆÐUM!

Ég er alvarlega að hugsa um að skella mér á námskeið um leið og mér gefst tími til þess.

Það er brjálað að gera, nýja vinnan tekur allan minn tíma og lokaverkefnið ....hmm..hvaða lokaverkefni...er í tímabundinni pásu.

AnnBenn gengið er búið að fjölga sér og hefur stór og stæltur strákur litið dagsins ljós, í vinahópnum er því staðan orðin....strákar= 5 stelpur=5... Þetta er æsispennandi leikur og nú bíða menn spenntir eftir niðurstöðu næstu tveggja bumbulína.
Það eru engin veðmál í gangi en ég tel að afrakstur BrynkusJónsEins hópsins verði stúlka og LillJónes hópsins verði stelpa...s.s...strákar 5 og stelpur 7 ...

2007-01-22T01:01:00.000Z

Júróvisjón?

Ég get ekki orða bundist! Hvað var eiginlega að gerast á RÚV Í FYRRADAG? Ég er miður mín yfir þessum fáránlegu lögum sem landar okkar buðu þjóðinni upp á. Það var ekki einu sinni EITT lag gott! Ekki einu sinni EITT lag allt í lagi, þau voru bara öll hrikalega slæm,HRIKALEGA SLÆM! Mér leið eins og við værum komin aftur til ársins 1983. Ég veit ekki hvort RÚV menn séu að launa okkur óþekktina í fyrra og ætla sér huldu höfði þetta árið í Finnlandi eða lagasmiðir landsins hafi einfaldlega fengið nóg og neitað að taka þátt.

Textarnir voru slæmir, lagatitlar ömurlega væmnir og svo OLD NEWS, bakraddir voru hallærislegar, söngurinn glataður ( meiri að segja mjög svo falskur í einu laginu sem komst áfram ), fatnaðurinn voða safe og danssporin...hvaða dansspor? Það var eins og verið væri að spara á ÖLLUM SVIÐUM. Í Júró SPARAR maður ekki, heldur teflir öllu fram og ýkir það ef eitthvað er!

Þetta lofar ekki góðu en þar sem enn er von þá ætla ég að reyna að hætta bömmernum því það þarf jú ekki nema eitt gott lag... Vonin er ekki alveg úti...

En í alvöru talað DÍSessKRÆST!

2007-01-19T23:24:00.000Z

:)
Hann klippti og klippti, 2cm af...4cm af...6 cm af!!! Klippi klippi klipp og hárið féll í gólfið. Og eina sem ég hugsaði...hmm..gat hann bara ekki klippt alla 12 cm af í einu og selt þá í hárkollu, nú eða ég fengið 12cm langa fléttu!

Ó nei... hver vill eiga 12cm af dauðu,aflituð og þurru hári - minning um hárið sem féll?

EKKI ÉG...ó nei...þarf sko enga minningu með SVONA FLOTTA GREIÐSLU...

ÞETTA ER ÆÐI! Ég er svo stolt af nýjasta besta hárgreiðslumanninum mínum sem stóð sig sko VEL í dag. Ég er með flotta bland í poka klippingu = Ég RÆÐ hvernig ég vil vera. Vil ég vera pönkari? Indíáni með burstakamp að framan? Taka það upp eða greiða það til hliðar? ( gæti haldið lengi áfram en læt staðar numið í upptalningu ).

Hárið er allt dökkt og klippt styttur. Liðir sem ég hef ekki séð í fjölda ára skarta sínu fegursta um þessar mundir og meiri að segja gyðingalokkurinn minn ( við vinstri vanga ) er kominn til lífs aftur! Húrra húrra!

Verð að hætta þessu og breyta um hárgreiðslu!( sú fimmta í kvöld ).

VARÐ AÐ BÆTA ÞESSU VIÐ!

Read My Result
Take the Test

2007-01-19T00:16:00.000Z

Að vera eða vera ekki...
Eftir 10klst og 45 mínútur sest ég í stólinn og hann mun setja á mig svuntuna. Ég mun titra af skelfingu og fingurnir munu þrýstast inn í stólarmana líkt og ég vilji murka úr þeim lífið! ( jú stólarmar eiga sitt líf ). Hann mun segja; Berglind, slappaðu af, þetta verður ekkert svo slæmt þó þú fáir enga deyfingu. Ég mun tárast og segja; Æ...gerum þetta bara seinna, má ég ekki fara. Hann mun þrengja svuntuna fastar að hálsinum, teygja sér í skærinn og byrja að KLIPPA!

Já Berglind er að fara í sína FYRSTU KLIPPINGU í 9 ár! Ekkert, særa 2cm takk fyrir...nei..við erum að tala um KLIPPINGU!

Síðast er ég fór í klippingu kom ég út eins og Monica Lewinsky, þið sjáið áhættuna sem ég er að taka! Þar áður leit ég út eins og Nelly i Húsið á sléttunni...ég hreinlega skelf ...hver skyldi ég verða á morgun?

2006-12-28T02:19:00.000Z

Ohhh - Minningar!
Zauvijek Moja...
Yndislegt að heyra þetta lag aftur! Já það vita ALLIR um hvað ég er að tala! Ég held það hafi verið samantekin ráð hjá Fríða Förunautinu að halda Eurovision 2005 diskinum mínum frá mér eins lengi og hægt var! En minnið er fínt og ég er sko ekki búin að gleyma ,,textanum,,góða...

Lama moja ovidana
Ishe ime tuvuje
Midamsamul dalse sama
Ljube koje netsjume
Lama moja notsjstervi ( vona bara að einhver júgóslavneskumælandi manneskja læðist ekki inn á síðuna mína)

FRÁBÆRT LAG....FRÁBÆR minning sem tengist því líka og ekki hægt annað en að hlæja upphátt er maður rifjar upp dansinn góða hjá strákunum og þá sér í lagi Gunna, öllum öðrum ólöskuðum.

Er búin að hlusta á lagið nú þrisvar...nóttin er ung...lalalalalalalaa...
Kadname kori sí
Ojitse tatse otse samuiiiii.....

2006-12-08T00:45:00.000Z

Ég er bókstaflega að fara yfirum af jólagleði!
Búin að skreyta húsið með jólaseríum,spiladósum,gulli og glingri hér og þar og alls staðar. Jólalögin eru spiluð út í eitt og 100 laga jóladiskurinn liggur límdur við geislan. Jólatréið er komið upp, ekki seinna vænna, og ég gerði heiðarlega tilraun til þess að brenna grenið sem vill ekki brenna...með áframhaldandi tilraunum á ég eflaust eftir að kveikja í húsinu.

Nú svo í kvöld skellti ég mér á fyrstu aðventutónleikana með ömmu sem var frekar skemmtileg tilraun hjá okkur. Við töldum að aðventutónleikar í kirkju með kór og tónlistarmönnum yrði JÓLALEGIR tónleikar ;) En það var bara mikill misskilningur því kórin hóf upp raust sína með því að syngja Popplag í G-dúr eða öðru nafni Sálmur í G-dúr og svo komu lög Valgeirs koll af kolli og ,,Með allt á hreinu lög ómuðu um kirkjuna,,. Eyvi og Valgeir létu sjá sig svo og Hera, en við amma svo yndislega misskildar manneskjur áttum von á HERU...en Hera var s.s. 6 ára hnáta ;) sem tók lagi með kórnum...

Ég hef aldrei áður heyrt lög Valgeirs stuðmanns sungin rödduð af kór. Þetta var engu að síður skemmtilegir tónleikar þó maður hafi stundum iðað í sætinu yfir textalínum Valgeirs og þótt þeir hljóma furðulega í kirkju ;) þar sem manni langaði bara til þess að syngja með og hlægja. Ég meina Stella í orlofi sungið af kór ;)))))) Í KIRKJU..Ég krosslagði fingur og vonaði að hann væri ekki höfundur Astraltertugubbs þá myndi ég fyrst veina af hlátri. En þetta var gaman og kórin var líflegur enda vart annað hægt er maður syngur stuðmannalög.

2006-09-14T03:34:00.000Z

Jæja elskurnar!
Nú er ég loksins búin að fara yfir póstinn minn sem var farinn að safna ryki eftir sumarið. Þar mátti finna ágætt innlegg frá Lilju G sem hefur kætt mitt litla hjarta í kvöld/nótt, ég eiginlega bara týndi mér í ruglumbullinu. En hún sendi mér atvinnureikni, persónulega finnst mér það koma heldur seint og hefði það nýst betur fyrir nokkrum árum....ÁÐUR EN MAÐUR SKELLTI SÉR Í LANGSKÓLANÁM!!!...en...samkvæmt mjög nákvæmum og vísindalegum útreikningum þá er ég... ta ta ta dammm.....

LIFANDI BÁTUR! Takk fyrir...
Ef ég hefði bara vitað það fyrr þá hefði líf mitt verið miklu auðveldara.

Jæja, kannski spurning um að hvíla árarnar enda orðið heldur seint, stutt í morgunmat.

2006-08-14T23:55:00.000Z

Það eru ALLIR barnshafandi!!!!

2006-07-31T23:04:00.000Z

Sumarið er tíminn...
Hingað til hefur sumarið verið hreint út sagt frábært! Leiðsögn er hreinlega besta starf í heimi! Öll sumur eru yfirfull af ævintýrum og góðum og slæmum lífsreynslum sem nýtast manni vel á því ferðaflakki sem lífið er.

Ég er hálfnuð með ferðirnar mínar og hnéið farið að gefa sig. Ég fékk að eyða 5 klukkustundum á sjúkrahúsinu í dag og eftir þukl of flottar myndatökur fékk ég nokkurn vegin eiginlega þannig sé úr því skorið að vinstri hnéskelin mín er vanþroskuð...litla greyið. En ég þarf að fara í frekari myndatökur sem ég hef eiginlega ekki tíma fyrir sökum hrikalegs skorts á spænskumælandi leiðsögumönnum.

Katan hefur staðið sig eins og hetja við eldamennsku og í fyrsta sinn á löngum ferli sem leiðsögukind þá heyrast engar kvartanir um íslenska eldamennsku að hálfu spánaverja og það er sko ánægjuleg tilbreyting ;) Hún hefur ekki bara staðið sig vel á bakvið eldunargræjurnar heldur haldið uppi fjöri með píanóspili og þjóðlegum söngi...s.s. hinn fullkomni kokkur!

Annars erum við systurnar búnar að upplifa ýmislegt á ferðabröltinu og fékk hún þann stórmerkilega heiður að lenda með mér í fyrsta rútuárekstrinum á starfsferlinum og vonandi þeim síðasta. Þar fengu hæfileikar hennar í að teipa plast í brotna afturrúðu að njóta sín svo og að þýða tjónaskýrslu sem var afar fagmannlega gert!

Annars er nýtt ferðalag framundan í fyrramálið án Kötunnar..sniff sniff en hennar verður saknað ógurlega.

Ég kveð í bili og held hölt og skökk í næsta ferðaflakk.

2006-07-03T23:53:00.000Z

Hið ljósa man hefur opnað fyrir mér nýjan heim!

Ég er alltaf að koma sjálfri mér á óvart með hversu eftirá ég raunverulega er...ég er yfirleitt mörgum ÁRUM á eftir fólki með að meðtaka strauma...fattarinn er í ágætu lagi ( held ég ) ég er ekki þröngsýn ( held ég ) bara einfaldlega ekki virk í straumnum...svona kannski frekar eins straumönd sem syndir gegn strauminum bara af því hún gerir það...okey okey um hvað er ég að tala??
Ég er t.d. að tala um ÞETTA... sem brynkusinn kynnti mér fyrir ekki alls fyrir löngu og ÞETTA....sem ég er búin að vera að hlusta á undanfarnar mínútur mér til mikillar skemmtunar!

Ég komst að því að ef ég vil fá svona glamúr í símann minn þá verð ég að fjárfesta í nýjum síma hið fyrsta. Minn sími er víst í útrýmingarhættu og telst ekki lengur með í flokki síma hér á landi.

2006-06-26T01:26:00.000Z

Já já ég lélegur bloggari og allt það!
Þegar maður hefur ekki skrifað svona lengi þá getur verið erfitt að koma sér í gang....Hmm....hvaða skoðun hef ég haft undanfarið...

Ég hef haft öfgafullar pólitískar skoðanir í kjölfar kosningaúrslitanna...en nenni ekki að fjalla um það hér og nú.

Ég hef haft áhugaverða skoðun á íslenska veðurfarinu og tek undir með Cintamani...VEÐURFAR ER HUGAFAR!

...Ég hef fengið hrikalega innsýn á íslenska heilbrigðiskerfið og mun hér eftir hafa mjög sterka skoðun og EFAST um allt sem fólkið í hvítu sloppunum segir og gerir.

Ég er enn á þeirri skoðun að Silvía Nótt hafi verið landinu til sóma á grískri grundu þrátt fyrir allt furðulega fjölmiðlafárið sem fylgdi í kjölfar ósigurs snótinnar fögru.

...Umfram allt ég hef haft skoðun og það er nú góðs viti...

Katan beilaði á heimför sinni og kemur nú eftir 3 daga!!! Jibbí...við ætlum að ferðast saman í sumar með spánverjalingum og elda góðan mat og krydda hann með furðusögum um land og þjóð á ferðaflakki um fagra staði.

Ég er búin með skólann!! þ.e. alla áfanga og á nú bara eftir lokaverkefnið! Sökum alvarlegrar leti hefur hugmyndavinna legið í dvala undanfarið en það á heldur betur að bretta upp ermar næstu daga og hella sér í verkefnavinnu enda markmiðið að klára þetta í október.

Annars bið ég ykkur að bjóða nýjan félaga velkominn á síðuna mína en það er hinn gudómlega hæfileikaríki Brylli. Mæli eindregið með síðunni hans.

Kveð að sinni....

2006-04-29T16:17:00.000Z

Hei jú.....
Geðveik síða!!!....

Annars er það að frétta að Rússinn er loks farin að tjá sig aftur en í dag eru 40 dagar í að maður fái að smella á hana klístruðum kossum....

Annars sit ég bara við ritgerðarsmíðar og hlakka til í næstu viku þegar ég verð FORMLEGA búin með skólann....þá er bara að demba sér í lokaverkefnið sem verður baaaara gaman....jibbbí....

2006-04-10T12:45:00.000Z

Jæja!

Nú sit ég hérna í mannlausri ( ég frátalin) stofu í Odda og er að þykjast vera að læra rosalega mikið í hausinn á mér.
Halldór Ásgrímsson stendur í þessum skrifuðu orðum í hátíðarsalnum og ræðir öryggis og varnarmál Íslands, ég vona að þeir hafi kælt vatnið hans vel því það er ekkert eins ömurlegt og vera þurr í munni og drekka volgt vatn. Mamma er heima að laga til, eflaust að velta fyrir sér hvort það sé komin tími á að taka niður jólatréið eða hvort það sé óhætt að halda því uppi örlítið lengur. Andri Snær Magnason er eflaust að undirbúa fyrirlesturinn um Draumalandið; sjálfshjálparbók fyrir hrædda þjóð sem hann ætlar að vera með á morgun í HÍ, annars þarf hann eflaust engan undirbúning, búin að vera að skrifa bókina í dágóðan tíma og á ferðaflakki út um allt land að breiða út boðskapinn. Marý svarar ekki í símann sinn og veit ekki að mig langar í bíó í kvöld. Hún verður eflaust upptekin, þarf að hekla eða sauma út eða prjóna eða strauja þvott konunnar á efri hæðinni.... S.s. það hafa allir hafa nóg að gera...það er gott...

2006-02-08T12:37:00.000Z

Lottó hvað?

Vinsamlega svarið spurningunum samviskusamlega, verðlaun verða veitt fyrir heiðarlegasta svarið!!!
Góða skemmtun!

1. Hver ert þú?
2. Erum við vinir?
3. Hvenær hittumst við fyrst og hvernig?
4. Finnst þér ég áhugaverður einstaklingur?
5. Myndirðu þola að hlusta á mig tala í einn sólarhring samfleytt?
6. Láttu mig hafa gælunafn og útskýrðu afhverju þú valdir það.
7. Lýstu mér í einu orði.
8. Hvernig leist þér á mig þegar þú sást mig fyrst?
9. Lýst þér ennþá þannig á mig?
10. Hvað minnir þig á mig?
11. Ef þú gætir gefið mér eitthvað hvað myndi það vera?
12. Hversu vel þekkirðu mig?
13. Hvenær sástu mig síðast?
14. Hefur þig einhvern tímann langað til að segja mér eitthvað en ekki getað það?
15. Munt þú setja þetta á bloggið þitt svo ég geti skrifað um þig?

Takk fyrir og gangi þér vel í samkeppninni um heiðarlegasta svarið!
Dregið verður úr innsendum lausnum þegar MÉR hentar!

2006-02-01T09:05:00.000Z

FEBRÚAR!!
Nýr mánuður með nýjum markmiðum. Janúar með allri sinni neikvæðni er LIÐINN!!!! Jiiiihaaa.

Annars er ég í svolítlum kúrekahugleiðingum þessa dagana og er að pæla í því að fara á slóðir kúreka og indíána í sept!!! Hugsi hugs...ætla að taka mér sumarfrí þar sem ég hef ekki tekið slíkt síðan Ítalíuferðin var farin forðum daga...

2005-12-28T10:50:00.000Z

Jiiiiihaaaaaaaa......
Berglind hefur nú formlega lokið einni erfiðustu önn EVER!!!!....
Þakkir fá eftirtaldir, án þeirra hefði þetta aldrei tekist!!! Athygli skal vakin á því að ALLIR lögðu jafnt mikið til og verður því þakkað í stafrófsröð svo engin misskilningur verði

Anna Lilja og Benni: Fyrir að stappa í mig stálinu og heimsækja mig í vinnuna!

Bryndís: Fyrir að hlusta á bullið í mér og taka á móti næturheimsóknum mínun. Án þín hefði aulaverkefnið ALDREI komist til skila!

Kata Rússasystir: Fyrir að hafa trú á mér, því ekki hafði ég það!

Lilja Guðrún frænkuvinkona: Fyrir að bjóða mér uppá kaffi þegar þörfin var mest!

Mamma: Fyrir að koma með mat til mín og sýna mér skilning þegar skapið var sem verst!

Marý og Tarantino: Fyrir að láta mig uppgötva að eftir verkefnaskil er LÍF!

Silfurskotta: Fyrir að koma mér á milli staða á mettíma!

Yfirmenn mínir: Fyrir ótrúlegan skilning og frí í vinnu á erfiðum tímum!

Takk allir saman!!!!
Ef ég hef gleymt einhverjum biðst ég forláts en bið ykkur að sýna mér þann skilning enda heillasellurnar KOMNAR Í FRÍ!!!!!!!!!!!!!!!!!!!!!!!!

GLEÐILEG JÓL OG FARSÆLT KOMANDI ÁR ÞÖKKUM VIÐSKIPTIN Á ÁRINU SEM ER AÐ LÍÐA!!!!
eeehh...jamm.... :) og svo vil ég bara minna á ....

BRYLLA TÓNLEIKAR Á DILLON , FIMMTUDAGSKVÖLD KLUKKAN 23!!!! ALLIR AÐ MÆTA !

2005-12-16T12:40:00.000Z

EITT VERKEFNI EFTIR!!!!

Jájájájá...ég veit það er kominn 16.des og ég ENN að....sem er frekar slæmt þar sem ég er einnig byrjuð á tólf tíma törnum í vinnunni.

Ég vil taka það fram að ég hef ALLTAF skilað á réttum tíma...ALLTAF...þetta ,,aukaverkefni,, mitt sem var sett á mig á síðustu stundu er ansi merkilegt....why?...Jújú...því í raun og veru er óleyfinlegt að setja mig í þennan þrældóm, allt frekar spúkí og ég auðmjúkur þrællinn verð að stinga þumlinum upp í munninn og þegja...

En hið stórmerkilega gerðist í síðasta tíma annarinnar að kennari einn upplýsti nemendur sína að mæting væri 30% af einkunn...jebb...í síðasta tíma annarinnar...stóð ekkert um það í námskrá né í kennsluáætlun...

Það þýddi að ég var í frekar slæmum málum með 50% mætingu...( það er eðlileg skýring á 50% fjarverunni....takk fyrir).

Nú voru góð ráð dýr....ansi dýr....þau kostuðu fyrir mig eitt stykki aukaverkefni sem hefur verið mjög erfitt að fá frekari deili á.
Eftir hártog, andleysi og samskipti við þrælahaldara minn var ég engu nær og ekkert verkefni komið í höfn. Mér líður eins og óþekka barninu í skammarkróknum sem er að eltast við foreldra sína til þess að komast í mjúkin hjá þeim aftur....

Þess vegna enn og aftur sit ég í tölvuveri HÍ og bíð eftir kennarann minn sem hefur vafið mig inn í þennan áhugaverða lærdómsvef blekkingar...
jæja gúdbæ...er hætt þessu væli

2005-11-23T18:30:00.000Z

Jájájá...
Þetta er allt að koma. Var að ljúka einu verkefni og er að fara að byrja á öðru, gaman gaman gaman...

Annars fékk ég þá snilldarflugu í kollinn að hætta við fyrirhugaða lokaritgerð og einbeita mér að öðru verkefni í staðinn sem er miklu miklu miklu skemmtilegra...hugsi hugsi hugsssss...

Á ég að vera fræðileg í lokaverkefninu eða skemmtileg og reyna að SELJA hugmyndina mína?? Hugsið þetta og látið mig vita og næst er við hittumst mun ég deila SNILLDINNI með ykkur.

Annars er ég farin að hlakka til 3.des, 10.des og 8.jan því þá ætlum við mútta að skella okkur á tónleika!!! Við erum þvílíkt góðar þessa dagana og gerum vart annað en að splæsa fullt af peningum í skemmtanir.

Við fórum á tónleika Rinascente 15. nóvember sem var bara gaman. Enda dívan sjálf í stóru hlutverki þar ásamt frænku.
Þriðja des á að fara að líta á sjarmatröllið Cortes og hlýða á vonandi ljúfa tóna.
Tíunda des verða Dívurnar sóttar í Höllina,jólastemming beint í æð og svo....
Áttunda jan verður besti kammerkór HEIMSINS í Langholtskirkju og við erum sko komnar með miðana í hendurnar enda frænka og dívan aftur á ferðinni þar.

Nú svo verða án efa tónleikar hjá Brylla rétt fyrir áramótin svo það er bara nóg að gerast hjá minni.....

Jájá það má láta sig dreyma um ljúfa tíma sem MUNU líða í garð fyrr en síðar...en aftur að námsefninu...gúdbæ

2005-11-15T03:38:00.000Z

Það er leikur að læra.....leikur sá er mér FJÆR.....
....Við listann skal bæta
2,5 bls rannsóknarverkefni
5 mín ,,heimildamynd,, FYRIR MÁNUDAGINN!!!!

Er búin að sitja sveitt yfir fyrirlestrinum sem á að flytja á miðvikudaginn.
Nátthrafninn er farinn að sofa....zzzzzzzz

2005-11-09T22:29:00.000Z

Aumingjabloggarinn Berglind
Ég er geðveikislega upptekin þessa dagana og biðst forláts á þessu aumingjabloggi mínu! Það eru aðeins þrjár vikur þar til skólinn er búinn, þrjár vikur í VERKEFNASKIL DAUÐANS!!!... sem er......
2* 20 bls ritgerðir
5 bls verkefni
2 bls rannsóknarverkefni
4 bls rannsóknarverkefni
1 framsaga
Fyrir fyrsta des....
Búa til nýjan sjónvarpsþátt
Gera sjónvarpsinnslag + greinagerð
Fyrir 8 des
Heimapróf
ogogogogogo...svo veit ég ekki ENN hvað á að gera í einu námskeiðinu!!!! ( hef ekki einu sinni fengið KENNSLUÁÆTLUN og önnin næstum búin!!!)

En þökk sé Míu þá má strika vefsíðuverkefnið út af listanum í kvöld. Þessi líka bleika síða komin upp hjá mér, hrikalega flott ;Þ

Hver sagði að það væri LEIKUR AÐ LÆRA....
Mér fallast hendur og ég vorkenni mér hrikalega ...

2005-10-28T14:32:00.000Z

Það er KLIKKAÐ veður úti!
Ég heyrði í útvarpinu í fyrradag að einhver hlýjindi væru yfir landinu en þau hafa gjörsamlega farið framhjá mér. Hélt ég yrði úti í gær. Það var SVO KALT. Er ég leit á eitt af þessum sniðugum auglýsingaskiltum við veginn þá gaf það til kynna að úti væri -2 gráður...sem er EKKERT....brrrrrrr....Mér leið eins og það væri -22
Ég svaf í lopapeysu í nótt mér var svo kalt!...sexy það.

Þetta ekki kvörtunarpistill því ég elska veður....og sérstaklega ef það er KLIKKAÐ...þá er tími til þess að fara á stjá. Ekkert eins hressandi og berjast við veðurguðina.
Annars sagði rússarauðkan mér það að ef einhver í Rússlandi talar um veður við þig þá sé það móðgandi. Úff...samskipti Íslendinga og Rússa hljóta þá að vera erfið. Við höfum alist upp við það að brydda upp á veðurumræðum til þess að brjóta ísinn á milli ókunnugra, til þess að ná að hefja samræður við einhvern sem þú þekkir en veist ekkert hvað þú vilt tala um. Svo er orðaforði okkar svo lítríkur hvað varðar veðurfarið blessaða.

En ég er hætt að tala um veður, hætt að móðga ykkur og farin út í veðurofsann á Silfurskottunni minni sem bíður mín einmitt úti núna......

2005-10-23T22:59:00.000Z

ÉG HEF SKOÐUN...

Frá og með 8 desember verður opið í Kringlunni frá 10-22. Opið verður á aðfangadag og gamlársdag frá 10-13.

Nei þetta er ekki auglýsing um opnunartíma. Eins og fyrirsögn ,,pársins,, gefur til kynna þá HEF ÉG SKOÐUN á fyrirhuguðum opnunartíma...

Hvað er eiginlega AÐ? Ég get vel skilið að fólk sem vinnur til 17:00 eða 18:00 á daginn þurfi eflaust fleiri daga en tvo daga í viku ( helgar ) til þess að kaupa jólagjafir. En þarf virkilega að ganga á göflunum. Jólin koma árlega og það meiri að segja á sama tíma! En það er alltaf eins og fólk vakni upp við vondan draum, tjúni sig upp og brjálist yfir tímaleysi, skundi í búðir og tryllist. Hvað er fólk eiginlega að gera hina 11 mánuði ársins!

Fyrir mér hafa jólin (desembermánuður) verið yndislegasti tími ársins. Myrkur,snjór,vont veður ( í den )kertaljós og kósíheit. Ég byrja að kaupa jólagjafir í janúar og dreifi þeim ágætlega út árið. Skrifa kortin í byrjun desember og nýt þess að vera til. Fer í bæinn og fæ mér heitt kakó og labba upp og niður laugaveginn og skoða jólaljósin....
En þar sem ég er útivinnandi þræll í námi þá mun desember eflaust verða einn ömurlegasti mánuður ársins 2005. Vaktaplanið mitt lítur frekar illa út. Verð í mesta lagi í 2 daga fríi og fæ að skjótast í jólaklippinguna þar sem ég stend 12 tíma vaktir.
Ég ætla að byrja að skrifa jólakortin, kaupa síðustu jólagjafirnar í næstu viku og vera búin að skreyta og setja upp jólatré fyrir nóvemberlok.

Til þess að halda geðheilsunni er ég ákveðin í því að gerast ýkt USA gella og klæðasta alltaf einhverjum jólafötum í vinnuna, svona rétt til þess að minna mig á að það er nú einu sinni jól! Því ég veit að loks er ég fæ frí ( aðfangadag, jóladag og annan í jólum ) þá verð ég orðin svo dauðþreytt að ég mun sofa jólin frá mér...
...sniff...
kv,
Jólabarnið.

p.s
Ég hef ákveðið þar sem ég er frekar leiðinleg kerling þessa dagana þá ætla ég bara að kvarta á blogginu mínu næstu daga...takk fyrir

2005-10-19T16:37:00.000Z

KvennaFRÍdagur?????
Ég verð að viðurkenna að mér er svolítið heitt í hamsi varðandi næstkomandi mánudag.
Ég skil eiginlega ekki tilganginn með þessum degi.

Er dagurinn FRÍDAGUR kvenna svo þær geti haldið upp á það að fyrir 30 árum skunduðu konur í BARÁTTUHUG niður í bæ og mótmæltu launakjörum sínum?
Eða eru konur bara að taka sér FRÍ í vinnunni til þess að fara t.a.m. á pöbbinn og fá sér einn öllara svona í tilefni dagsins.
Eða verða konurnar kannski hoppandi kátar yfir þessu óvænta FRÍI og hyggjast hópast saman í IKEA um miðjan dag og versla jólagjafir?

Mér finnst þetta sorglegt...Borgarstjórinn mælir eindregið með því að konur Fái FRÍ í samráði við yfirmenn svo ,,GJÖRNINGURINN,, bitni ekki illa á þjónustu þann daginn.

Mistökin liggja fyrst og fremst í nafngift þessa dags. Í stað KvennaFRÍdags ætti dagurinn að nefnast BARÁTTUDAGUR KVENNA. Þessi dagur á ekki að vera haldinn á 30 ára fresti! Hann á að vera haldinn árlega og það á ekki að vera neinn ákveðinn dagur. Þessi dagur á að hafa áhrif á samfélagið. Þetta á ekki að vera dagur þar sem yfirmaður klappar starfskonu á öxlina og segir ,,Elskan viltu ekki taka þér frí í dag og hitta hinar konurnar niður í bæ og hafa það svolítið næs?,,

Hvert er málið?
Er ég bara ein þarna úti sem er á þessari skoðun?

2005-10-19T00:55:00.000Z

Nýtt útlit....
Mér líður miklu betur eftir þetta makeover. Var orðin svolítið þreytt á rauða litnum. Annars fékk ég útlitsgagnrýni á bloggið mitt í dag frá sumum ;) Skil það mæta vel enda gagnrýnandinn með hrikalega tæknivætt og flott blogg!!!
Ég er alltaf jafn hissa á því hversu ótæknivædd ég er. Þori ekki neinu og tel mig alltaf vera að rústa litla kjöltutoppnum mínum ef ég hætti mér inn á ókunnug svæði...

2005-10-17T09:28:00.000Z

Ég er vansvefta, úrill með bauga niður á læri..

Ástæða:Partíhald og læti í húsinu við hliðina!
Dópistinn sem bjó þar er fluttur en í staðinn er komin rússnesk mafía sem heldur partí ALLA DAGA. Ekki bara um helgar eins og dópistinn gerði...Nei nei alla daga og yfirleitt hefjast herlegheitin upp úr miðnætti með TATU í botni!!!!
Um helgina var ég orðin svo pirruð að ég klæddi mig í karategallann og ákvað að fara og berja fólk, en það varð aldrei neitt úr því þar sem ég fann ekki svartabeltið mitt :(

Að vísu verð ég að viðurkenna að ég raulaði með laginu í gær en mafían setti á fóninn Serbíu- Montenegro lagið sem var í júróvisjón í ár, við það mildaðist ég aðeins....en engu að síður er ég vansvefta, úrill með bauga niður á læri enn að leita að svarta beltinu!

2005-10-11T12:45:00.000Z

74 dagar til jóla.....!!!!!! :0)
Í gær fékk ég yndislegt matarboð frá karli föður mínum en í eftirrétt var tiltekt í bílskúrnum. Ég komst í feitt þá því það átti að henda nokkrum kössum sem voru fullir af jólaskrauti......Henda jólaskrauti??..Nei nei..maður hendir ekki neinu og hvað þá jólaskrauti þegar krabbinn Berglind er á svæðinu, ég fékk ekki 10 í endurvinnslu fyrir ekki neitt.

Í dag er ég því kassanum ríkari og degi nær jólum en í gær sem eru alls ekki slæm afköst ....

2005-10-04T23:01:00.000Z

...Ég er klikkuð
......og þarf því að deila fimm vel útvöldum staðreyndum um sjálfa mig...

1)Ég kaupi helst ekki hvítan klósettpappír, fæ ofbirtu í augun.

2)Ég er náttblind, rigning og myrkur eru mínu helstu óvinir ef ég þarf að keyra.

3)Ég byrjaði að ljúga er ég var 8 ára. Sagði öllum krökkunum í hverfinu að ég ætti video og hund...en það áttu allir ...nema ég. Þau vildu sannanir svo ég hleypti þeim í dyragættina heima í Hafnó, gekk að stofuskáp og sagði þeim að videoið væri þar inni. ÞAU VILDU SANNANIR...ég sagðist ekki geta haldið á videoinu, fór inn í herbergi og náði í tuskuhundinn minn og sýndi þeim ( í töluverðri fjarlægð ).
Þau voru aldrei alveg viss um hvort ég hefði verið að segja satt...

3)Ég svitna STUNDUM í lófanum. Ég er þess fullviss um að ég hafi smitast af strák sem ég dansaði við er ég var 7 ára í einhverjum trúarlegum krakkasumarbúðum. Ég var neydd til þess að dansa við hann, langaði það ekkert því strákgreyið var svo sveittur. Mann enn eftir tilfinningunni, hún var ekki góð er ég lagði mínar fagurlega skapaðar og ÞURRAR hendur í blautan poll...oj...

4)Ég hef ótrúlega mikla þörf fyrir að nefna hluti,ja eiginlega skíra þá!
Dæmi: Hef átt bíla sem hétu
- Amma Gullý
- Tryggvi
- Rúdolf
Hmm...vantar einn man ekki hvað hann hét enda skírði ég hann ekki sjálf heldur systa.

- Silfurskotta ( nýjasta afkvæmið )
Þetta hófst allt með Fiat ,,Cheerokee,, Benz sem var hvítt tryllitæki sem kom okkur mæðgunum á milli staða landshlutanna á milli.

Ég hef átt þrjár tölvur sem hétu
- Vaskur
- Vaskur
- Kjöltutoppur ( kölluð Kjölta )

5)Ég elska lopa og á eflaust merkilegasta lopapeysusafn í heimi ( 12stk )
Það er aðeins ein af þeim í sauðalitum. Ég á stuttermalopapeysu og jólalopapeysu, opnar, lokaðar, með tölum, rennulás, með löngum ermum, stórum krögum, einlitar, marglitar,lopapeysu sem hægt er að nota á röngunni ofl...
Ég hef aðeins prjónað eina af þessum peysum en mun bæta 13. peysunni í safnið fljótlega. Að þessu sinni er það opin hettupeysa prjónuð af moi.
Ég á sjöl,trefla, húfur, vettlinga, fingravettlinga, hettur, dúskhúfur o.sfrv...
Ég er viss um að ég hafi fæðst í lopapoka...

Úff hvað þessi pistill er orðinn langur...bæ

2005-09-21T12:34:00.000Z

Vetrardrottning
Esjan orðin hvít og haklél og það á sama degi!!
Ég er ekkert smá spennt fyrir vetrinum enda er ég vetrardrottning skammdegisins*
En þó ég elski vetur og sér í lagi snjó þá er ég ekki mikil skíðamanneskja.

Það er ekki það að ég sé eitthvað léleg. Nei nei nei...ég bara ólst ekki upp á skíðaheimili og hef bara farið tvisvar á skíði.

Í fyrra skiptið ákvað múttan að við systurnar skyldum fá okkar skíðamenntun í Kerlingafjöllum. Svo þangað var haldið í rútu syngjandi kát og glöð. Sú helgi var ógleymanleg og stóð ég mig eins og hetja í barnabrekkunni.

Nú seinna skiptið var mín ákvörðun!!! Ég fór samt ekki alveg ein, með einhverjum vinum sem skildu mig eftir...en okey...Ég ákvað bara að skella mér beint í stólinn og sýna mig og sjá aðra uppi á ,,fjalli" --- í þetta sinn, engar barnabrekkur TAKK FYRIR...

Ég var hrikalega sæt í eiturbleikum KIZZ snjógalla með þröngu belti og svartri og silfurlitaðri stjörnu á öxlunum. Mér fannst ég ÞVÍLÍKT FLOTT og fitta vel á meðal ,,skíðara,, í Bláfjöllum. Nú ég skellti mér í stólinn en fannst skíðastafirnir eitthvað þvælast fyrir mér svo ég skildi þá bara eftir...ekki málið.

Nú þegar ég var komin upp á ,,tindinn,, sá ég að flestir voru með stafi og virtust hafa not fyrir þá. En það þýddi ekkert að pæla frekar í því. Svo ég bara brunaði niður brekkuna og datt ekki EINU SINNI!!!! Kúl og flott eins og vetrardrottning....that's me....

jAMM...Þar með líkur þessari hetjusögu af mér ;)

Vetrardrottning skammdegisins grýlutárum grét
Gaddfreðinni jörðinni hún veðurofsa hét
Feldi síðan niður frostkallt hret
Fannbreiðu á hörund landsins lét

Hún sagði...
* Höf: Brynjar

Viljið þið heyra meira ????????

2005-09-15T12:02:00.000Z

Tilraun 1
Jájájájá...okey ég er ekki afkastamesti bloggnörd í heimi....leggið mig bara í einelti...
Málið er að ég er bara svo BISSÍ...aha..Ég á sko líf utan tölvuheimsins..jebb...og svo náttúrulega þarf ég að rækta þetta nýja og ástríka samband sem ég er komin í með silfurskottunni minni....einmitt...maður þarf að leggja sitt af mörkum svo þetta gangi upp...akkúrat...

Annars er allt gott að frétta. Ég er í tíma í Málfar og stíl. Einmitt... Berglind er að læra íslensku, komin tími til!

Ég hélt saumó í gær og það var bara gaman. Þær sem dirfðust að mæta með saumadót þurftu að láta sér nægja kertaljós og kósíheit...hehe það var fyndið að fylgjast með þeim því það gekk ekki nógu vel að sauma út í myrkrinu...hehe...en maður fórnar ekki kósíheitum fyrir einhvern útsaum...ó nei.
MIKILVÆG ÁKVÖRÐUN var tekin í saumaklúbbnum fyrir ÞÆR SEM MÆTTU EKKI!!!....Hér eftir verða saumaklúbbar haldnir á FÖSTUDÖGUM.....YESSS....
Sumir fóru nefnilega heim að ganga tvö í nótt með rauðvínslitaðar tennur...

2005-07-24T12:50:00.000Z

24.júlí 2005 - Erfinginn kominn í heiminn!

Barnið er fætt!!!!! Án efa yndislegasti gullmoli, foreldrar himinlifandi en þreyttir þar sem lítið hefur verið um svefn undanfarna daga. Barnið er stúlkubarn fætt fyrir rétt um KLUKKUTÍMA SÍÐAN og er því í LJÓNINU....Ég er ekkert smá stolt skámamma og hlakka bara til að knúsa og kjassa og jú kannski skipta um bleyju ef ég þarf.

Bryndís og Jón Einar INNILEGA TIL HAMINGJU MEÐ LITLU PRINSESSUNA!
Hún hefur þegar sigrað mitt hjarta og ég er ekkert smá ánægð með stundvísi hennar þar sem ég hafði jú miklar áhyggjur að fá ekki að sjá litla erfingjann fyrr en seint í ágúst! JÚLÍ ER fínn afmælismánuður.

Dúllunni lá nokkuð á þar sem ekki var búist við henni fyrr en um verslunarmannahelgina en ég tel að Brynku sé afar sátt. Það er ótrúlegt hvað þetta gengur hratt fyrir sig. Ég talaði við Brynku í gærkvöldi, 13 klukkutímum fyrir fæðingu og var ákveðið að ég myndi keyra hana til sjúkraþjálfara og ljósu á mánudaginn.

Jæja...ég er að springa af gleði....best að fara að gera eitthvað

2005-07-18T01:59:00.000Z

ÉG ELSKA STARFIÐ MITT
Frábær hópur, hress og kátur og yndislega skemmtilegur!! Mikið hlegið og brandararnir fljúga hægri vinstri....
Erum búin að flakka um landið og ætlum að hætta okkur inn á hálendi í fyrramálið með 1,750 ml af brennivíni og 300 gr af hákarli...nammi nammi....
Ég lít út eins og hálfviti þar sem ég brann í sólinni í fyrradag og er nú með sólgleraugnafar í andlitinu!!!...
Á ferðaflakki sem þessu er BARA GAMAN að vera gæd!!!!

Kveðja frá Laugum...

Jamm klukkan er 02.06 og ég er á leiðinni í háttinn...hópurinn er enn á barnum og búinn að stúta að ég held 2 x 750 ml flöskum af brennivíni...Þvílíkt úthald...en ég er farin að sofa.....morgunmatur eftir 4 klukkutíma...úfffffff

2005-07-10T22:50:00.000Z

ÉG Á AFMÆLI Á EFTIR ÉG Á AFMÆLI Á EFTIR ÉG Á AFMÆLI Á EFTIR....ÉG Á AFMÆLI Á EFTIR....

Jebb...mín verður formlega ÞRJÁTTTTTTTÍJUUUOGEINSÁRS eftir um það bil klukkustund og 8 mínútur. Hátíðarhöldin hófust í dag með megamatarboði a la pabbi. Það var yndælis kvöldstund í faðmi systkina, knús,kossar og gjafir! Ég er bara eftir mig.
Sit heima og er að hlusta á...JÚJÚ il divo...HVAÐ ANNAÐ!

Annars er ég voðalega þreytt ( andlega ) eftir hamfaraferð mína með VIP spánverjunum. Hópurinn var FRÁBÆR en hópstjórinn.... :(

Ég á eiginlega engin orð yfir þetta. Ég fór enn og aftur tilfinningaskalann upp og niður, út og suður, til hliðar og aftur á bak....maður er alltaf að læra eitthvað nýtt. Í þessari ferð uppgötvaði ég að ég þarf að ÆFA mig betur í að rífast á spænsku!!!!!... JÁ hnakkrífast, það er ekki nóg að hafa ákveðnina í röddu, grimmd í andliti.....ORÐAFORÐINN þarf sko að vera VEL SLÍPAÐUR.

Allir leiðsögumenn ættu í raun og veru að hafa eitt stykki RÍFAST RÆÐU í farteskinu ef ske kynni að þeir þyrftu að skvetta eins og einni fram í skyndi...A.m.k. hefði ég viljað vera undirbúin fyrir geðveikiskast hópstjóra míns klukkan 04:30 aðfaranótt föstudagsins síðastliðinn sem átti sér stað úti á Leifstöð. Sú stund er mér efirminnileg og eflaust öllum sem þar voru staddir.

En nóg um það. Brynkusinn er búin að fá söguna í fullri lengd svo ég nenni eiginlega ekki að eyða frekari orku í að pára um þessa lífsreynslu enda líka bara FJÖRTÍUOGFIMM MÍNUTUR Í AFMÆLI MITT......jibbbííí

2005-07-03T22:20:00.000Z

Gædalæti - Dagur 5 í VIPPPP ferðinni ógurlegu...
úfff...ef ég hefði ekki BESTA BÍLSTJÓRA Í HEIMI væri ég DAUÐ!
kv,
Berglind sem er allt of þreytt til þess að skrifa meira.

p.s er á Mývatni, rigning, rok og rokk

2005-06-29T21:57:00.000Z

Gædalæti - Dagur 1 í VIP ferðinni ógurlegu

Ég hef aldrei tamið mér að eltast við stjörnur á röndum og fiska eftir eiginhandaráritunum, hef það bara ekki í mér. Finnst kjánalegt að sitja um fólk,öskra og æpa í þeirri von að fá að sjá, snerta og kannski hafa eins og eitt ofurstjörnuhár upp úr krafsinu.

Ég reyndi á yngri árum að þróa með mér þessa hæfileika og á einhvers staðar eiginhandaráritunuarblokk, en það er tilviljun frekar en yfirþyrmandi hvöt að þurfa að sækjast í nærværu frægra sála.
Safnið góða samanstendur af áritunum ICY-gengisins, Eika, Helgu Möller og Pálma, fegurstu konu heims henni Hófí og handboltakappans knáa Þorgils Óttar M.
Ágætis safn þó ...

Nú afhverju er ég að röfla um þetta......jújú...því
HÁPUNKTUR dagsins var pottþétt samverustund mín með Duran Duran meðlimum!!!

MÆ GOD ÉG OG DURAN DURAN LIKE THIS!!!!!...;) ....Ok, það er ekki á hverjum degi sem maður stígur út úr lyftu og gengur beint í faðm meðlima DD, ekki á hverjum degi sem maður brosir til John Taylor, Andy Taylor??...eða var það Roger??
Nú eða stendur við hlið Mr. Le Bon í móttöku hótels...nei nei...slíkt gerist kannski bara einu sinni í lífinu. Það er ekki á hverjum degi sem maður snæðir kvöldmat með DD nú eða kennir róturum þeirra íslensku...nei...það er eflaust bara EINN SLÍKUR DAGUR...

Jæja fyrsti dagurinn í VIP-ferðinni búinn. Fólkið kom til landsins í dag og allir voða voða spenntir yfir því sem framundan er. Gullnihringurinn á morgun og svo verður okkur rænt af Víkingum í Hafnarfirði. Fínt plan það....

P.s...

Ég er mikið búin að pæla í því í dag hvernig ég hefði höndlað að ganga í faðm Wham meðlima?...hmmm... Skildi ég hafa beðið um eiginhandaráritun?

2005-06-27T23:45:00.000Z

STOLT SYSTIR Í LEIT AÐ NÝJUM HEILBRIGÐUM VINKONUM

Katarína hin mikla náði öllum rússneskuprófunum sínum og stóð sig þetta líka vel!!!
Ég er ekkert smá stolt af henni!! Er eiginlega bara að springa....TIL HAMINGJU KATA!! :*
Í dag ætlar hún að leggja land undir fót en ferðinni er heitið á kvikmyndatökustað og verður spennandi að fá fregnir af því ævintýri.

Annars er ég í sjokki þessa dagana, ALLAR MÍNAR VINKONUR ERU HJÁ SJÚKRAÞJÁLFARA...Við skriðum rétt yfir þrítugt og stuttu seinna voru þær allar komnar á fast með einum slíkum.
Ef þær eru ekki barnshafandi með grindagliðnun, ógleði eða brjóstsviða þá eru þær með brjósklos í hálsi...ég meina við erum bara ÞRJÁTÍUÁRA...OK sumar ÞRJÁTÍUOGEINS....en ég bara trúi ekki að við séum komnar á ,,veikindaaldur,,.

Ég er að hugsa um að finna mér yngri vinkonur...jamm...

2005-06-25T00:26:00.000Z

ÉG ER VÆMIN OG HVAÐ MEÐ ÞAÐ!!!
Ég sannfærist með hverju árinu að ég er með ,,sérstakan,,tónlistarsmekk. Ekki nóg með það að ég hlusti á ,,uppáhaldsdiskinn,, hverju sinni í margar vikur áður en ég skipti um þá hrífst ég alltaf af diskum sem enginn annar ( sem ég þekki ) hlustar á. Þessa dagana á IL DIVO hug minn og hjarta. Il Divo hópurinn er fyrsta boys-bandið innan óperuheimsins og samanstendur af fjórum vel sköpuðum tenórum á besta aldri. Þeir koma allir til greina sem tilvonandi eiginmannsefni en þó er ein rödd sem sker sig úr og er hreint út sagt guðdómlega falleg. Ég er eiginlega búin að ákveða að sú rödd tilheyri Sebastian sem er alls ekkert svo ljótur maður, nei nei nei...
Ég er hrikalega ánægð með þetta framtak Simons dómara úr Idolinu og þakka honum kærlega fyrir að hafa eytt 3 árum af lífi sínu í að mynda þetta KRÆSILEGA BAND sem nærir bæði eyru og augu.

Nú er bara að skrá sig á póstlistann hjá þeim og skella sér á tónleika...

2005-06-13T23:43:00.000Z

Að flytja eða ekki flytja!
Í síðustu viku skipaði ég sjálfa mig sem sérlega aðstoðarkonu óléttu konunnar í búferlaflutningum hennar. Maður myndi halda að þetta væri svo sem ekki erfitt starf. Það þarf bara setja hluti ofan í pappakassa, merkja þá og loka þeim. En þetta starf er lúmskt...og ansi erfitt í raun og veru. Það krefst mikils aga,vinnusemi og jafnframt þarf maður að búa yfir þeim hæfileikum að standast freistingar þær sem óléttar konur bjóða upp á í stað þess að PAKKA NIÐUR...Því óléttar konur eru yfirfullar af alls konar hugmyndum um það sem HÆGT ER AÐ GERA Í STAÐ ÞESS SEM ÞARF AÐ GERA....

Dæmi:
Þær geta beðið þig um að fara með sér í smá útréttingar. En smá útréttingar eru yfirleitt ekki smá útréttingar heldur STÓR útréttingar sem geta tekið marga klukkutíma.

Þær geta beðið þig um að fara og kaupa ís áður en byrjað er að pakka niður. En ískaup eru ekki bara ískaup. Ískaup geta breyst í langan bíltúr þar sem nýja íbúðin er heimsótt svona rétt til þess að kanna hversu langt smiðirnir eru komnir.

Ef maður gerir þau regin mistök að falla í þá gildru ,,kíkjum aðeins á nýju íbúðina,, getur maður átt von á að ólétta konan stingi upp á því að fara í smá bíltúr þar sem veðrið er svo gott.

Fyrir óléttu konunni þá er smá bíltúr ekki smá bíltúr heldur laaangur bíltúr og áður en maður veit þá er maður allt í einu staddur í röngum landshluta. En maður þarf ekki að örvænta því ólétta konan hefur pakkað vel til ferðarinnar og er ,,óvart,, með NESTI með sér sem hægt er að gæða sér á.

ÓJÁ þetta starf er bara miklu erfiðara en nokkurn getur grunað....

Í síðustu viku afköstuðum við á EINUM DEGI að pakka niður í 5 kassa og fylla þrjár ferðatöskur....Það hljómar kannski vel en þetta er verk sem hefði átt að taka í mesta lagi hálftíma en tók okkur 5 klukkustundir sökum ítrekaðra kjafta- og sódavatnspása sem voru teknar á fimm mínútna fresti.

Upprunalega plan dagsins í dag var að reyna enn og aftur að hjálpa Brynkusinum ólétta að pakka niður. En veðrið þvældist fyrir okkur í þetta sinn en óléttar konur eru sérstaklega meðvitaðar um að í góðu veðri er ekki hægt að hanga inni og pakka niður. Í góðu veðri á maður að vera úti að leika sér.

Áður en ég vissi af var ég á fleygiferð um Krísuvíkurveg í leit að ævintýrum. Við keyrðum um skotsvæði sem er ekki langt frá námunni við Krísuvíkurveginn, fórum í lautarferð úti í hrauni, keyrðum upp í Bláfjöll og fórum um Hafravatn og Grafarholt og allt í einu var klukkan orðin kvöldmatur og tími fyrir óléttu konuna að fara heim.

Plan morgundagsins er að pakka niður...Við ætlum ekki að fá okkur ís áður en við byrjum að pakka niður, við ætlum ekki að skoða nýja húsið, við gerum ráð fyrir því að verðrið verði frekar vont. Við ætlum að vera rosalega duglegar. Við ætlum ekki að fjárfesta í sódavatni heldur límbandi og teipa fyrir munninn...

Já eflaust ætti þetta að takast hjá okkur núna....

2005-06-07T00:06:00.000Z

Sumarið er tíminn!!!
Það hefur bara aldrei verið eins mikið að gera hjá mér og þessa dagana...en samt er ég ,,tæknilega,, séð atvinnulaus í júní...furðulegt það...

Ég hef ekki bloggað leeeeengi svo það er um að gera að stikla á stóru í þetta sinn...Ég fór á fyrsta brenniboltamót Brenniboltafélagsins Skúla þar síðustu helgi og það var BARA GAMAN....en Garún og félagar stóðu fyrir glæsilegu móti á Austurvelli. Það var fámennt en góðmennt og vegfarendur gengu með bros á vör framhjá okkur....svona einhvers konar nostalgíuhugsanir úr barnæsku... Ég afrekaði að skjóta boltanum í fót á öldruðum manni sem stóð hjá og brosti út að eyrum (,,aaahhhégmanþágömlugóðudagaþegarégvarúti aðleikamérbros,,).

Það er furðulegt, þó að veðrið sé gott og sumarið gengið í garð þá sér maður enga krakka úti að leika sér!!!...Ég er bara frekar hissa á því! Maður var úti frá 9 á morgnana fram til ellefu á kvöldin í alls konar leikjum í hverfinu, göturnar alltaf yfirfullar af orkuboltum...Kannski maður fari bara að ganga um hverfið sitt og spyrja hvort að krakkarnir nenni ekki að koma út að leika! Hehe...það væri frábær upplifun, foreldrar myndu eflaust hringja í lögguna og banna krökkunum að fara út.

Nú um helgina fór ég á Þingvelli í góðra vina hópi og var það yndislegt að komast aðeins út úr bænum og slappa af. Marý og ég dottuðum í pottinum til klukkan fjögur aðfaranótt sunnudagsins í góðum félagsskap tveggja stokkanda sem trítluðu í kringum okkur og gáfu skít í okkur í orðsins fyllstu merkingu þar sem við vorum að halda fyrir þeim vöku.

Jæja....ég nenni ekki að blogga...farin að sofa...því ég er að fara að vinna á morgun...jebb...mín fékk vinnu í heilan dag!!! Geri aðrir betur.......

2005-05-19T11:32:00.000Z

Your Inner European is Russian!

Mysterious and exotic.

You've got a great balance of danger and allure.

Who's Your Inner European?

Hahahaha....einmitt..
Efast um að Katarína eigi eftir að taka undir þetta.

Talandi um Katarínu!
Það eru bara ALLIR að heimsækja hana...sniff nema ég...mér líður eins og vonda systirin. Mig langar ekkert smá út og verð eflaust síðust til þess að koma út...En ekki síst..ó nei..hei neineibb...Allavega ætti ég að falla ágætlega í kramið samkvæmt þessu prófi hér að ofan...

2005-05-15T19:18:00.000Z

Gædalæti
2300 km að baki, fjórir dagar,búin að skoða ÖLL HÓTEL, heimsækja fullt af afþreyingarfyrirtækjum, veitingastöðum,borðað 100 gr af hákarli, eitt brennivínsstaup, 2 bjórar, 5 kaffibollar (ÉG DREKK EKKI KAFFI) rækjur, skelfiskur,ýsa,þorskur,lax,sá 8 hreindýr, fullt af faðmlögum,kossum og handaböndum. Búin að tala í 85 klukkustundir SAMFLEYTT á þessum fjórum dögum!! Þoka, ótrúlegt rok, sól, jöklar, fossar, hraun, eyðimörk, tognaður ökli, þurrar varir og úfið hár, búin að fara hamförum á tilfinningasviðinu.... Já..ég er komin heim eftir MJÖG áhugaverða ferð um landið reynslunni ríkari...Heilinn er þrútinn eftir álagið en ég er mjög sæl og sátt. Fyrsta ferðin sem ökuleiðsögumaður og var farþegafjöldinn EINN FARÞEGI...
Ég TEL MIG NÚ TILBÚNA Í HVAÐ SEM ER HVENÆR SEM ER MEÐ HVERJUM SEM ER...

Það sem hefur vakið furðu mína undanfarna daga er þessi fáránlega sjörnugjöf hótela hér á landi. Ég gisti á fjögurra stjörnu hóteli sem bauð upp á rykugt teppi, brotna rúðu og klósettskálar, skítuga glugga og sérlega óaðlaðandi móttöku. Ég heimsótti 2 hótel sem hafa enga stjörnu, sérlega falleg hótel, flott húsgögn, æðislegar myndir á veggjum, frábært útsýni, yndislegt andrúmsloft, hrein hótel og full af karakter.
Furðulegt hvernig þetta stjörnfyrirkomulag virkar...

Byrja í starfsnámi hjá MBL á morgun....hlakka til.....

2005-05-02T01:26:00.000Z

Gæda fár(án)leg LÆTI...
.......Hvar á ég að byrja?
Jú ég held það sé bara við hæfi að hefja pistilinn á KÆRI SÁLI!!!....
Klukkan er að ganga þrjú að nóttu til, ég var að borða kvöldmatinn rétt áðan, er að deyja úr þreytu en samt svo upptjúnuð að ég bara VARÐ að veita mér ákveðna spennulosun með þessu pári...

Dagurinn byrjaði svo sem vel....keypti mér sjóveikistöflur, át heita og velbakaða kringlu og drakk kakómjólk. Skellti mér í hvalaskoðun með 49 Ungverjum og þremur fararstjórum og sá Hrefnu sem heitir Miriam.

En um borð í bátnum þá hófust herlegheitin. Fararstjóri nr 3 ákvað að HÚN yrði að leiðsegja Ungverjunum sínum, því jú ekki gátu þeir verið í þriggja klukkustunda ferð ÁN leiðsagnar...ok...hvað gerir maður þá...jú maður biður Íslenska gædin um borð vinsamlega um leyfi að fá að taka í hljóðnemann endrum og eins ( það hefði ég gert ) til þess að koma skilaboðum áleiðis...
HVAÐ GERÐI FARARSTJÓRI NR 3 --> Hún HRIFSAÐI hljóðnemann af greyið Íslendingnum í hvert sinn sem sást í Miriam til þess að koma skilaboðum ÁLEIÐIS til sinna.... Þetta leiddi jú til þess að AÐRIR farþegar eiginlega misstu af leiðsögn sem þeir voru búnir að borga fyrir.

Ok...ef ég ætla að týna til allt sem fór úrskeiðis þá á ég aldrei eftir að komast í háttinn...svo til þess að gera rosalegalangasögu svolítið styttri þá skulum við koma okkur að kjarna málsins...Að nokkru sem ég hélt að bara GÆTI EKKI gerst!!!

Eftir hádegi var áætluð ferð í Bláa Lónið, gaman gaman...eða það hélt ég...
Nú...allt í einu stóðum við frammi fyrir því að í ferðina voru mættir 109 einstaklingar fullir af tilhlökkun. Vandamálið var jú það að það hafði bara verið gert ráð fyrir 79!!! Ég er ágæt í reikningi og sá mjög skjótt að þetta dæmi var ekki alveg að ganga upp. Rúturnar gerðu bara ráð fyrir 107 sem þýddi jú að tveir einstaklingar gátu ekki farið með....Nú voru góð ráð dýr...eiginlega bara rándýr...

Því það varð einfaldlega að SKILJA 1 FRÁBÆRAN GÆD EFTIR og einn ekki svo frábæran fararstjóra ( nr 3 )...Mér var svo sem nokk sama um að nr 3 yrði skilin eftir því mér fannst komin tími á að hún kannski-vonandi-mögulega myndi LÆRA eitthvað af reynslunni ef HÚN yrði fyrir barðinu...
En að skilja Brynkusinn minn eftir, hálf hlæjandi yfir herlegheitunum ( og án efa FREKAR SÁTT VIÐ AÐ VERÐA EFTIR, því framundan var FERÐ DAUÐANS) var bara fúllt ( fyrir mig sem þurfti virkilega á liðsmanni að halda)...

Öll stopp sem áttu að vera 15 mín urðu að 30 mín sem leiddi til þess að við urðum bara að bruna framhjá Gunnuhver sem var eiginlega MÖST STOPP... Fararstjóri nr 2 var ekki sátt við 1,5 klst stopp í Bláa Lóninu þar sem það HENTAÐI henni ekki og leyfði sér því að stoppa í 2 klst.
Allt þetta leiddi til þess að fólk var ekki að komast á hótelið sitt fyrr en að ganga hálfátta og átti pantað far í kvöldmat korteri seinna!!!
S.S. ÖMURLEGT....

Það þarf mikið til þess að gera mig reiða...en ég var reið í dag! Fólk er komið hingað til lands til þess að njóta dvalarinnar en lendir í stressferð sökum vanhæfni 1,2 og 3 sem höfðu það eitt að markmiði að sníða ferðina að EIGIN ÞÖRFUM...

Og hvað hef ég lært af þessari ferð?
Jú...ef maður fer í ferð þá á maður EINGÖNGU að notast við leiðsögumenn þess lands sem maður heimsækir því af þessari ferð að dæma þá hefur fólk ekki fengið þá þjónustu sem það keypti.
Nr 1,2 og 3 hafa hnakkrifist fyrir framan fólkið oftar en einu sinni, dregið ferðamennina inn í sín prívat vandamál, eyðilagt allt skipulag sem hefur leitt til þess að ferðin er búin að vera ein stór stressferð í heila 4 daga.

Eftir 6 klst mun ég fylgja 115 Ungverjum úr landi, eflaust hrikalega ánægðir með að vera loks að fara heim eftir glataða ferð...

En þetta er ekki alveg búið ó nei ó nei...því eftir 3 daga mun ég fara í eins ferð...Ég er SVO tilbúin...ójá!!!...þó ég þurfi að læra Ungversku á mettíma..ÞÁ SKAL NÆSTA FERÐ VERÐA FAGMANNLEG! ÉG ÆTLA AÐ RÁÐA ÖLLU...jamm...

Jæja Sáli...mér líður betur og er því farin að sofa..... :Þ

2005-04-30T22:30:00.000Z

Gædalæti...
Yess....byrjuð að leiðsegja. Ég hef aldrei byrjað svona snemma og er bara nokkuð sátt. Er að vísu ekki búin að fá nema 2 ferðir í maí fullt í júlí og ágúst en ég hef engar áhyggjur af júní,nei nei nei nei....Fullt af vinnu þar sem Brynkan er fjarri öllu gamni þetta sumarið sökum??

...eeh..já...innan ,,ferðaheimsins" ganga ýmsar furðusögur um ástand Brynku og ég verð að viðurkenna að nokkrar þeirra hafa látið mig efast um óléttu Brynkunnar.
Nú ein sagan segir að þetta sé bara bjórvömb...ég meina...höfum við einhverja sönnun fyrir lifandi bumbubúa? Ég hef ekki fundið fyrir neinu sparki..og það er hægt að kaupa sónarmyndir hvar sem er....Ég ætla ekki einu sinni að fara nánar út í hinar sögusagnirnar...úff...

Allavega...draumur minn hefur verið að fá að vera með Brynkunni minni í ferð og það má eiginlega segja að sá draumur hafi ræst í dag!....
Við Brynkusinn gegnum því ábyrgðahlutverki þessa dagana að vera fylgdarkonur 115 Ungverja...sem er sérstök lífsreynsla.
Eftir að hafa unnið við þetta dásamlega starf í fjölda mörg ár :) hélt ég að ég væri nú búin að upplifa flest...en nei nei nei það er alltaf verið að koma manni á óvart.

Ég veit vart hvar ég á að byrja varðandi þessa Ungverja ( fínt fólk ) en fararstjórar þeirra eru mjög spes....sérstaklega ein þeirra sem fékk sko að heyra það frá Brynkunni minni í dag!!...AND IT WAS ABOUT TIME....
Spurningar þeirra eru furðulegar og eiginlega ósvaranlegar... svona í anda...hvað er langt í næst hestastóð? Hvað er maður lengi að keyra frá þúfu 1 til þúfu 2. Hvað heitir þessi kirkja ( afdalakirkja sem enginn veit hvað heitir) og hver er saga hennar, hvað eru mörg sæti í kirkjunni og hversu oft hefur hún verið máluð????

Jebb...stundum getur maður einfaldlega ekki svarað,brosað eða grátið....

Á morgun ætla ég að skella mér í Hvalaskoðun og svo í Bláa Lónið með Brynkunni minni, það verður sko stuð...
Ég er búin að undirbúa mig ÞVÍLÍKT og get alveg svarað spurningum eins og....

Hvað eru margir HVALIR í sjónum AKKÚRAT NÚNA...?
Hvað eru þeir gamlir?
Eiga þeir maka?
Hvert hafa þeir ferðast?
Hvað borðuðu þeir í gær?

Svör mín verða á þessa leið

Fleiri hvalir í sjónum í dag en í gær
Þeir eru eldri í dag en þeir voru í gær
Þeir áttu maka í gær en engan í dag, allir makar voru veiddir í morgun
Þeir hafa ferðast meira í dag en í gær
Þeir borðuðu meira í gær en í dag

Æm the perfect gæd...yesss æ am.....

2005-04-25T20:15:00.000Z

Tíðindi úr kvikmyndaheiminum!!!
Katarína hin mikla hefur tekið að sér hlutverk í æsispennandi sannsögulegum rússneskum "thriller". Kvikmyndatökur hefjast í júní....
Þetta verður nú ekki í fyrsta ( og eflaust ekki síðasta ) skipti sem leikkonan mun sjást( ekki sjást ) á kvikmyndatjaldinu. Hver man ekki eftir henni í glamúrmyndinni MONSTER sem tekin var hér á landi forðum daga. Þar fór hún snilldarlega með hlutverk blaðaljósmyndara, maður fann svo fyrir nærveru hennar í þeirri mynd að ég hef aldrei skilið afhverju hún var ekki tilnefnd til verðlauna fyrir frammistöðu sína.

Í þetta sinn mun hún taka að sér hlutverk amerískrar flugkonu í seinni heimstyrjöldinni. Kata í hermannabúningi...nammi namm....

Ástin þú ert landi og þjóð til sóma! Eflaust ekki margir íslenskir leikarar sem hafa afrekað að komast á launaskrá sem leikkona í Rússaveldi.

Ég verð að segja að ein magnaðasta rullan sem snótin hefur leikið á sínum frækna ferli var hlutverk gömlu konunnar í púðurtunnunni!!!....Ég varð AGNDOFA....Hún var ótrúleg (ég veit ég er systir en hún var MÖGNUÐ...Ég er harður gagnrýnandi og það veit Katan sjálf...) Maður sá bara hundgamla konu á sviðinu, þvílík líkamstjáning!
Nú svo má nú ekki gleyma er Katan lék Snæfríði Íslandssól....sem var frekar frábærlega gert af rauðhærðu dísinni, eflaust fyrsta ef ekki eina skiptið í sögu íslenskrar leiklistar sem hið ljósa man leit út sem logandi eldur....

Kata til hamingju með sumarvinnuna ;) ...

p.s spr um að senda manni nokkrar áritaðar myndir...

2005-04-24T22:32:00.000Z

O Fortuna...velut luna...
Ohh...var að koma heim af yndislegum tónleikum með Söngsveit Fílharmóníu....CARMINA BURANA-CARL ORFF....Þetta er hreint út sagt ( samhliða Puccini ) snilldin ein.
Mig langaði bókstaflega að stökkva upp á svið og fá að syngja með, klæjaði í raddböndin, iðaði í sætinu, brosti út að eyrum, lauk aftur augum og táraðist...sniff...

Brynkusinn stóð sig eins og hetja og söng alltaf þegar hinir sungu og þagði þegar aðrir þögðu, fallega klædd í svörtu og fjólubláu með bumbubúann standandi út í loftið, svo stoltur af múttunni sinni.
Það var svolítið skrítið að sitja og fá ekki að taka þátt því fyrir utan söngsveitina, drengjakórinn og sópraninn þá var þetta sama fólkið og tróð upp með mér forðum daga...

Talandi um sópraninn...Hún Hallveig er ...mig vantar lýsingarorð! Þvílík rödd, svo tær og falleg. Ef til eru englar sem syngja þá er Hallveig forustuengillinn.

Þorgeir J. Andrésson er frábær í svanasöngnum og persónulega finnst mér að hann eigi ALLTAF- ALLS STAÐAR að syngja það hlutverk út um ALLAN heim!

Úff..ég er í góðu tilfinningalegu uppnámi eftir þessa kvöldstund...

Takk fyrir mig!

2005-04-23T00:30:00.000Z

">

jebb...heil 24%....uss... varla telst það vera nörd....Mér finnst nú samt furðulegt að ég skuli vera með hærri stig en sumir...eiginlega bara óskiljanlegt!

Ég krefst þess að það verði gerð ný skilgreining á NERÐI...Mér fannst þetta próf vera lúðalegt próf og held enn í minni barnslegri einlægni að systa hafi haft rétt fyrir sér!
Wannabe nörd my &$#...

2005-04-22T13:57:00.000Z

Kæru vinir, vandamenn og aðrir er málið varðar

Ég Kristín Berglind Valdimarsdóttir mun ekki svara í síma næstu daga samkvæmt læknisráðum.
Ástæða?....Júhú..hún er til staðar....Í hvert sinn er ég tala í síma þá hitna eyrun mín ansi mikið (þarf ekkert endilega að tala lengi)...ég verð pirruð...fæ seyðing í hnakkann og bakvið eyrun og verð ótrúlega óþolinmóð og eiginlega bara illskeytt...verð að losna hið fyrsta úr símanum...Þetta er búið að vera svona í nokkurn tíma og nú á að komast að því eitt skipti fyrir öll hvort að ég sé komin með ,,SÍMAVEIKINA"...jamm....

Símaveiki er svona furðuveiki sem herjar á furðufólk....Sumir segja að hún sé til aðrir (sem halda því fram að alls konar bylgjur hafi ekki áhrif á mann)segja að þetta sé bara ruglumbullum....Ég allavega þarf að komast að því hvort að þetta lagist ekki hjá mér ef ég hvíli símann. Ef svo verður þá mun ég fjárfesta hið snarasta í handfrjálsum dýrum og flottum búnaði og sjá hvaða afleiðingar það hefur fyrir mig...Nú...ef árangur næst ekki þá mun ég bara einfaldlega leggja helv..símanum því ég get ekki HÖNDLAÐ ÞETTA LENGUR...sniff...

kveðja
Berglind hin pirraða

2005-04-19T23:24:00.000Z

Að vera eða vera ekki NÖRD....
Mér hefur verið sagt að ég sé algjörlega að rangtúlka skilgreininguna á NERÐI og verð ég bara að viðurkenna að ég er í hálfgerðu sjokki yfir því. Hingað til hef ég alltaf falið mig á bakvið það að hafa verið NÖRD og jafnvel verið mjög stolt af því...allt þar til sumir og aðrir dembdu á mig rökhlöðnum orðum um að ég væri bara algjörlega að misskilja allt frá upphafi til enda...svo nú svíf ég um í einhverju þyngdarleysi þar sem ég er farin að efast um æsku mína...þarf jafnvel að fara að skilgreina allt upp á nýtt...og það er bara sárt...því í stað fallega orðsins NÖRD þá hefur læðst inn í huga minn ekki eins fallegt orð ...LÚÐI...

Hvað er Nörd?
Hvað þarf maður að gera/gera ekki til þess að vera NÖRD?
Er ég / eða var ég NÖRD?

Svör óskast hið fyrsta.....

Er ég NÖRD?

2005-04-12T20:22:00.000Z

Bloggedíblogg blogg
Ég tek fúslega undir með vinkonu minni einni sem var svo alúðlega að bendla þessu fallega bloggi mínu við aumingjablogg.
Ég bara hef ekkert að segja!!!....( right! )...
Líf mitt þessa dagana snýst eingöngu í kringum NÁMIÐ..það eru verkefni og ritgerðir og skýrslur og starfsnám og VERKEFNI og svo önnur verkefni sem eru að gera mér lífið leitt!!...Sál mín er á gjörgæslu ...gjörrrrssamlega búin á því. En það er líf framundan....fyrr en seinna. Til þess að höndla þetta yndislega álag þá hlusta ég á Eruovison 2004 aftur og aftur og aftur....og svo eitt lag með Sting inn á milli.
Er að hlusta á Möltu núna...frekar hallærislegt lag en axlirnar komast alltaf í stuð og dilla sig í takt við nóturnar...on again off again....

Talandi um Eurovison hvenær er það eiginlega???

SKÓLINN ER BÚINN Í NÆSTU VIKU...JEEEEHHAAAAAA...og ég hætti í lok mánaðar í vinnunni og byrja í nýju vinnunni og svo er múttan að koma heim eftir langa skiptinemadvöl svo það er bara ansi margt skemmtilegt framundan.
Jemm..einmitt...framundan...en ekki akkúrat núna.
Ég sit sveitt heima að reyna að bjarga því sem bjargað verður af útvarpsþættinum mínum sem ég var búin að gera en er allt í einu HORFINN....voðalegt fjör...Á stundum sem þessum er ég ofboðslega fegin að eiga nokkur Pollýönnu gen í mér.

Annars kom Brynkus og reddaði geðheilsunni í heila klukkustund. En hún sagði að það væri svo gott veður úti að ég yrði bara að fara með henni og fá ís...ég elska ís...og ég elska líka að reyna að forðast að læra...og það veit hún ;)
Ísinn var góður, veðrið var ...ja ekki eins heitt eins og þessi bumbukúla var búin að lofa og lærdómurinn beið mín er ég kom heim.....jæja nú er ég farin að eyða tíma bara til þess að eyða honum...þekki mína sko....nú vil ég BARA BLOGGA og forðast að horfast við raunveruleikann.....LÆRDÓMUR ÓGURLEGI...HÉR KEM ÉG.....

2005-04-04T22:52:00.000Z

Í dag eru 17 ár síðan ég fermdist!!!
Í tilefni dagsins, sem er senn á enda, vil ég óska vinkonum mínum til hamingju með daginn!!...Hugsið ykkur stelpur...17 ár síðan að ófreskju myndin var tekin af okkur.

Ég man ansi margt frá þessum degi enda vart hægt að gleyma heilum degi sem var alfarið tileinkaður manni. Ég fór í hárgreiðslu á fermingardaginn eins og flest allar stelpur gera, sem var nokkuð áhugaverð. Ég var með mjög ákveðnar hugmyndir um hvað mætti og hvað mætti ekki gera við hárið mitt og eitt af því sem ekki mátti gera var að spreyja hárlakki í það. Eftir nokkuð brölt á stofunni endaði hárgreiðsluferðin með því að fermingarbarnið ákvað að greiða sér sjálf, hárgreiðslukonan fékk að raða blómum í hárið og mamma fékk að borga. Ég var í hvítum blúndukjól, með hvíta uppháa satín blúnduhanska í hvítum sokkabuxum, hvítum háhæluðum ( ca 2 cm ) skóm ...ja...bara eins og brúður ...ef ekki hefði verið fyrir BLEIKA VARALITINN.... Já bleikur,ógeðslegur varalitur. Ég er enn ekki búin að fyrirgefa múttu fyrir að hafa LEYFT mér að bera þennan óþvera.
Ekki það að ófreskjumyndin hefði verið eitthvað skárri án hans....
Já..minningar minningar.....

2005-04-01T00:08:00.000Z

Allt í plati fyrsti apríl....
Platdagurinn er liðinn í garð og bíða menn eflaust spenntir eftir að sjá hverju fjölmiðlar reyna að gabba í landann. Það sem mér hefur þótt leiðinlegast við þennan annars skemmtilega dag er hvað hefðin er að breytast. Í stað þess að láta menn hlaupa apríl er þetta orðið að allsherjar lygaralubbadegi þar sem markmiðið er bara að ljúga einhverju að fólki án þess að það þurfi að hreyfa sig fet.

En þetta árið er 1. apríl ekki síður merkilegur fyrir þær sakir að eftir u.þ.b. 8 klukkustundir og 47 mínútur mun nýr fréttastjóri útvarps hefja störf og bíð ég óþolinmóð eftir að fá fregnir af því fjölmiðlafári.

Það er aldrei lognmolla við starfsráðningar hjá ríkisfjölmiðlinum enda um að ræða útdeilingu á pólitísku sæti. Út frá umræðum fjölmiðla undanfarna daga er augljóst að framundan eru mikil átök enda menn ekki á eitt sáttir um þessa starfsráðingu sem er eflaust að verða sú umdeildasta í sögu starfsráðninga hér á landi.
Það er skiljanlegt að fréttamönnum þyki vegið að hlutleysi fréttastofunnar með ráðningunni og einnig skiljanlegt að mönnum kvíði fyrir því sem dagurinn mun bera úr skauti.

Í stórum vel reknum fyrirtækjum vita þeir sem ráða að starfskrafturinn er mikilvægasti auður fyrirtækisins. Í stórum ríkisreknum fyrirtækjum virða áherslurnar vera annars lags. Og það er einmitt þær áherslur sem eru merkilegar. Yfirmenn leggja ekki hlustir við þau mótmæli sem hafa farið fram innan Rúv. Það er ekki talað við starfsmenn, ekki hlustað á þá og eiginlega bara engin viðbrögð. Starfsmenn eiga bara að þegja og kyngja því sem í þá er hent. Sem er merkileg stjórnun. Akkúrat engin viðleitni heldur kúgun a la silent treatment...jamm vald þagnarinnar er mikið...

Ráðamenn vonast og eflaust trúa að allt muni þetta ganga yfir þegar þar að kemur, menn fallist í faðma og brosi út að eyrum.
Það sem er sorglegt og í raun erfitt í stöðu starfsmanna Rúv er að þeir eru fréttamenn og bera fyrst og fremst skyldu til sinna hlustenda/áhorfenda. Í öðrum fyrirtækjum ættu starfsmenn auðveldara með að fá menn til þess að hlusta á sínar skoðanir með því t.d. að leggja niður störf. Mótmæli fréttamanna eru erfiðari fyrir vikið og því forvitnilegt að sjá næstu daga hvernig þeir ætla að takast á við þessa baráttu.

2005-03-29T21:19:00.000Z

Hún á afmæli í dag
Hún á afmæli í dag
Hún á afmæli hún Kata
Hún á afmæli í dag..........

Rússabloggarinn litla systir er 28 ára í dag!!!!...

Ótrúlegt hvað tíminn flýgur... Ég man þá tíma...

.....er ég svæfði hana á kvöldin ( kl 18:30-19:00!!! ) Sagði henni æsispennandi, frumsamdar sögur af Kötu og Dísu í þeirri von að hún færi á hraðfleyg inn í draumaheim svo ÉG gæti farið fram og horft á Tomma og Jenna. BIG MISTAKE...sögurnar voru svo hrikalega góðar hjá mér að hún gat vart sofnað af æsingi og ég missti af Tomma og Jenna.

.....er við fórum í koddaslag....sem endaði ALLTAF á því að ég fór að grenja.

.....er ég reyndi að hræða úr henni líftóruna með því að loka hana niður í kjallara ( vil að vísu ekki muna eftir þessu en Kata minnir mig OFT á þetta á viðkvæmum stundum ) allavega...Kata gerðist hryllingsmyndafan og ég hef ekki einu sinni þorað að horfa á Gremlings

.....er Kata skar næstum þumalfingurinn af sér í sveitinni fyrir vestan. Ástæða?? Jú ég "held" að Berglind og Helena hafi verið að ýta olíutunnum niður brekku og litla Katan hafi ætlað að stoppa þær með þessum afleiðingum....Niðurstaða...Berglind hefur aldrei grátið eins mikið í lífinu...hélt að Kata sín myndi deyja....Til þess að líkjast systur sinni fékk ég mér sjálf eitt stykki ör stuttu seinna.

.....er kata fékk HETTUSÓTT....Þeir sem hafa áhuga geta séð hjá mér FYNDNUSTU MYND EVER!!!!...hahahahahaha.....

.....er við reyndum að strjúka saman úr sveitinni hrikalegu og ætluðum að synda yfir mórauða fljótið, heppnar að vera á lífi!!

.....er við gengum 42.strætið í N.Y skjálfandi af hræðslu, fengum svo bestu flatböku í heimi og smökkuðum á peperoni í fyrsta sinn.

.....er ég fór á Roskilde. Ég vissi ekki hvernig í ósköpunum ég ætti eftir að finna Kötu-sín í öllum þessum fjölda...það liðu varla fimm mínútur og ég var búin að finna hana!

.....Ég man margar og ótrúlegar sögur en þær rúmast ekki hér....

Þessu fortíðarminningaflippi er því hér með lokið...

Nú...páskarnir...þeir voru fínir og dálítið líkir jólunum, ég var í matarboðum út um allan bæ.
Amma og afi buðu mér í hrygg á föstudaginn langa og sat ég í góðum félagsskap og prjónaði fínu hettupeysuna mína, skellti mér svo í partí í tilefni krossfestingar Jesú og fór klædd sem páskagrein.
Brynkus,Jónsi Einsi og eitt lifandi fóstur buðu í mat á laugardeginum í þessa líka frábæru máltíð og svo bauð amma í mat á sunnudeginum. Ég hef ekki borðað svona mikið kjöt síðan ...úff...veit ekki hvenær.

Það má nú segja að þessir páskar hafi gengið vonum framar þar sem ég nær munaðarlaus sökum fjarveru nánustu ættingja.
Ég fékk ekkert páskaegg á páskadag en aftur á móti fékk ég eitt lítið sætt í matarboði Brynku og Jónsa Einsa. Ég var ekki alveg nógu ánægð með málsháttinn

Einhvern veginn slyngur sleppur!!....hehehe...eeehh...jamm...

En svo varð ég náttúrlega að toppa þessa hátið með því að leggjast í veikindabæli...jamm....byrjaði að fá einkennin á laugardaginn og var komin í bælið sunnudagskvöld...ÓÞOLANDI ÁSTAND...ÉG ER ALLTAF VEIK!!!!....
Þið ættuð að sjá mig núna, sjónin er ekki fögur...
Sit í lopapeysu og lopasokkum með lopahúfu og trefil um hálsinn...og mér er KALT!...

Markmiðið er að fara í skólann á morgun og því hef ég setið við tölvuna til þess að undirbúa fyrirlestur sem ég hyggst halda á morgun..hóst hóst...

Jæja...ætla að fara fram og ná í fingravettlinga og hoppa upp í rúm...sjúg upp í nef og hóst hóst..

2005-03-29T20:16:00.000Z

2005-03-18T00:14:00.000Z

Allt í drasli...
Ég beið spennt eftir nýjum dagskráliði Skjás Eins „Allt í drasli“ sem frumsýndur var sunnudaginn 6. mars. Ég gat ekki ímyndað mér hvernig hægt væri að halda athygli áhorfanda með þema sem gengi út á að kenna fólki að taka til. En ég horfði á allan þáttinn og ákvað að horfa á þátt nr 2...sem var ekki síðri. Ef næstu þættir verða eitthvað í líkingu við fyrstu tvo þá er eflaust mikil þörf á slíku sjónvarpsefni því annað eins hús (sbr 1.þáttur) og önnur eins klósettskál (sbr 2.þáttur) hafa vart sést á skjánum. Má með sanni segja að húseigendurnir hafi opnað heimili sitt upp á gátt fyrir áhorfendum sem eru eflaust enn slegnir yfir ósnyrtilegu ástandi þess.

Þátturinn svipar til Tantra þáttarins sem sýndur var forðum daga á Skjá Einum af því leyti að umfjöllunarefnið snertir á einkalífi fólks sem hingað til hafa lítið verið rædd fyrir framan sjónvarpsskjáinn.
Snyrtipinninn Heiðar og tiltektarkonan Margrét, stýra Húsmæðraskólans, eru fremst í flokki hreinsunardeildar sem tekur að sér að laga til og kenna ýmis húsráð. Þau taka sig ekkert allt of hátíðlega sem setur skemmtilegan blæ á þáttinn.
Hann er á léttari nótunum og kryddaður með athugasemdum þular sem poppar þáttinn upp með fyndnum innleggum. Stef þáttarins hljómar prakkaralega og er notað óspart við ýmis tilfelli á skemmtilegan máta.

Þó að þetta sé ýkt sjónvarpsefni þá er þetta ágætis mótsvar við Innlit Útlit sem tekur á hinni hlið öfganna þ.e. óeðlilega stílhrein og fullkomin heimili. Svo er bara hvers og eins að meta hvor þáttanna endurspegli raunveruleikann betur.
Svo virðist sem mikill áhugi sé fyrir efni sem þessu og má segja að þriðjudagskvöld séu orðin að tiltektarkvöldum hjá Skjá Einum. „Allt í drasli“ er endursýnt það kvöld og í kjölfar þess þáttar tekur við „Innlit Útlit“ og svo „Queer eye for the stright guy“ strax á eftir.
Með áframhaldandi áhorfi mínu á þess háttar dagskráliðum á ég eftir að breytast í ,,hvíthyski"....

2005-03-14T19:23:00.000Z

Skák og mát?
Frítt föruneyti göfugra manna hélt af stað út í heim í þar síðustu viku. Ferðinni var haldið á austrænar slóðir til þess að frelsa Íslandsvininn og stórskákmeistarann Fishcer úr haldi japanskra stjórnvalda. Menn ferðast stutt um á sauðskinnskónum einum sér þessa dagana, enda öldin önnur, og í stað nestis og nýs skófatnaðar var glænýrri kennitölu og vegabréfi komið fyrir í farteskinu fyrir tilvonandi Íslendinginn.
Föruneytið kom að luktum dyrum í austri og fékk hvorki að sjá né tala við meistarann. Fyrirstaðan var ein lítil diplómatísk regla sem ráðamenn íslensku þjóðarinnar höfðu ekki hugað að. Eftir vangaveltur og skoðanaskipti komust ráðamenn í norðri að þeirri niðurstöðu að eflaust hefðu ráðmenn í austri rétt fyrir sér. Komin var upp pattstaða. Heimboð og útrétt hjálparhönd litla landsins í norðri var farin að líta hálf kjánalega út.

Samkvæmt atburðum liðinna viku virðist sem valdataflið sé rétt að hefjast og hefur maður vart undan við að fylgjast með hver á næsta leik í Fischersskákinni. Menn tala jafnvel um að nýtt stóreinvígi sé að hefjast sem er að vísu frábrugðið öðrum einvígum þar sem lítið og að því virðist valdlaust peð hefur skotið sér inn á leikborðið leikmönnum til mikillar ama.
Margir fylgjast eflaust spenntir með framgöngu okkar manna í Japan enda sögðust þeir lauma á leynilegu útsspili ef í hart færi.

Vald hinna veiku er vanmetið. Lítið og valdalaust peð getur umbreyst í valdamikla drottningu ef ekki er vel að gáð.
Nýjasta útspil Bandarískra stjórnvalda til að fyrirbyggja að slíkt gerist er að væna Fishcer karlinn um skattsvik. Verð ég að taka undir með talsmanni Fishcers að það er hálf undarlegt eftir öll þessi ár að svikamylla skákmeistarans skuli fyrst nú vera dregin fram á leikborðið nær 30 árum síðar.

Nú er bara að vona að peðum verður skipt í drottningar og bíða spennt eftir næsta leik í þessari æsispennandi Fischersskák.
En ef föruneytið kemur tómhent heim er ekki að örvænta. Í bígerðinni er heimildamynd um ævintýrið góða í austri og í henni fá ráðamenn þjóðarinnar án efa ágætis útreið vegna þessa aumasta heimboðs sem um getur í Íslandssögunni.

p.s.
Glatað...hlustaði á fréttir er ég var að pára þetta og samkvæmt þeim er Sæmi bara á leið heim og eyðilagði þar með þennan líka fína pistil!
Hvert var þetta laumuspil föruneytisins? Það hefur alveg farið framhjá mér....hmm..ætli það hafi verið afmælissöngurinn sem Sæmi söng fyrir Fischer??

2005-03-10T01:19:00.000Z

Jahérna hér...
Þessu hefði ég nú aldrei trúað. Pár mitt um óléttu hefur heldur betur undið upp á sig. Í fyrsta lagi þá fjölgar bumbunum óðfluga og er ég hrædd um að ég hafi komið af stað einhvers konar tískubylgju!

Við skulum byrja á byrjuninni.

Landflóttaferðaundrið Marý og bumbueigandinn Brynka fara á slóðir Freud gamla og telja undirmeðvitund mína vera að reyna að koma ákveðnum skilaboðum áleiðis um að ég vilji fara að fjölga mér. Litla systir nr 2 svarar þeirri spurningu ágætlega. Frekar smeik um að vinkonurnar séu að koma fyrir óæskilegum hugsunum í hugarbú mitt bendir hún á að án eiginmanns eigi engin kona að hlaða niður börnum!

Vitnað er í systur nr 1 sem heldur því fram að ég sé það kröfuhörð að enginn karlmaður sé nógu góður. Bumba nr 2 telur mig vera öfundsjúka....
Í fyrstu virðist húsmóðirin í vesturbænum ætla að halda sér á grænum grundum og biður mig að taka þessu með gleði og ró, bíður mér jafnframt börn sín. Svo nær tískufárið tökum á henni og hún hefur áhyggjur á því að vera ekki inn og bendir mér á ískaldan frostpinna á netinu sem Bumba nr 1 segist vera búin að panta fyrir mig!!!!

Samantekt
Ég er óeðlilega kröfuhörð á karlmenn, dauðöfundsjúk út í bumbukonur, undirmeðvitund mín þyrstir í barnseignir og eina færa leiðin fyrir mig til þess að svala þeim þörfum er að panta sæði á netinu!!....

Svör við samantektum
Ég er EKKI óeðlilega kröfuhörð á karlmenn, samkvæmt frétt Stöðar 2 í gærkvöldi þá er ég víst ALLT OF GÁFUÐ svo karlmenn hræðast mig.
Ég er EKKI öfundsjúk út í bumbueigendur heldur finnst mér bara komið nóg af þessum óskapnaði og hef ég miklar áhyggjur af fjárútlátum er bumbubúar koma í heiminn.
Undirmeðvitund mín þyrstir EKKI í barnseignir. Ég er svo upptekin af eigin sjálfi að ég efast stórlega um að það sé nokkurt pláss fyrir slíkar hugsanir.
Ég NEITA að taka við frostpinnanum sem Bryndís er búin að panta. Hingað til hef ég valið mínar bragðtegundir!!!! Svo Brynka þú getur bara étið hann sjálf :Þ

En ástæða fyrir þessu óléttupári var náttúrlega fyrst og fremst áhyggjuefni mitt af eigin sjálfi þar sem ég virðist vera óeðlilega næm á annarra manna bumbur. Ég tek á mig öll andleg og líkamleg einkenni barnshafandi konu eins og fram hefur komið í fyrri pistli um þetta merkilega viðfangsefni.
Allt í einu er ég farin að taka þátt í hrikalegum óléttusamræðum um mjólkurkirtla,bleyjuskipti,bakverki,kerrukaup....án þess að hafa vilja það.
Bara leiðist út í alls konar rugl sem mig langaði ekkert að leiðast út í.

T.d í skólanum í dag þá var ég allt í einu komin í þær aðstæður þar sem verið var að reyna að komast að því hversu mörg börn ég ætti eftir að eiga!!!!
Leikurinn gekk út á það að ég átti að slíta hár úr eigin höfði og renna uppá það hring. Mér fannst ég vera komin inn í Búkollusögu...Taktu hár úr hala mínum...og tilneydd (vegna bumbukvenna sem vildu endilega fá að vita hversu mörg börn ÉG mun eignast) þá náttúrulega framkvæmdi ég verknaðinn. Sleit hár úr mínu fallega makka og vippaði hringnum uppá. Hringnum var haldið yfir handleggnum mínum. Hann sveigðist í marga marga marga hringi (en það þýðir víst að frumburðurinn verður stelpa( og svo hreyfðist hann fram og aftur á fullri ferð (Það þýðir strákur, kraftmikill). Og hver er það sem finnur uppá svona LEIKJUM???? Aha...Bumbukonur...stórhættuleg fyrirbrigði...og ÉG ER UMVAFIN ÞEIM!

hjálp!

2005-02-28T00:34:00.000Z

Þriggja ára meðganga Berglindar
Það er sama hvert ég horfi það eru bara allar konur barnshafandi, ófrískar, óléttar,með böku í ofninum...Þær eru bókstaflega út um allt!!!
Mér finnst þetta bara ógeðslegt og legg til að það verði stofnuð einhver samtök til þess að hindra þetta fár! Eflaust finnst flestum þetta vera eðlilegur gangur lífsins...fyrir mér er þetta einfaldlega bara offjölgun og of mikið álag FYRIR MIG....
Jamm..Þið lásuð rétt...álag fyrir MIG...Því þessar KONUR eru kunnugar mér og sem eðal vinkona þeirra þá ÞARF ÉG að ganga í gegnum þetta ferli MEÐ ÞEIM ÖLLUM....

Þessa dagana er ég beintengd Brynku verðandi ofurmömmu og mér finnst hún bara sleppa allt of vel við óléttuna...ég fæ ógleðina, ég fæ bakverkinn, það er ég sem ligg andvaka á nóttunni með eymsli í brjóstunum,pirruð í kroppinum,það er ég sem fæ nett áfall og hef áhyggjur af hækkandi blóðþrýstingi þegar HÚN étur lakkrís eins og hún fái borgað fyrir það, það er ég sem hef áhyggjur þegar HÚN vakir frameftir nóttu og vill ekki fara að sofa og síðast en ekki síst þá er það ÉG sem þarf að útvega henni óléttufatnað af því að hún ætlar bara að fitna og hafa það kósí næstu mánuði... ...ÉG...Og hvað fæ ég að launum!!!...Jú...aðeins 33,33333% eignarhlut í tilvonandi barni.....
Okey..ein ólétta ætti svo sem ekki að skaða neinn...en við erum að tala um MARGAR ÓLETTUBUMBUR og allar virðast þær vera beintengdar á MIG...Ég get svo svarið það að ég tel mig hafa fundið fyrir sparki í eigin bumbu í kvöld!!...

Nú það er augljóst að ég hef miklar áhyggjur af gangi mála sérstaklega í ljósi þess að ein óléttan bættist við skarann í síðustu viku...og það er engin SMÁ ólétta sko...Því hin verðandi ofurmamma er kunnug fyrir það að ganga frekar erfiða meðgöngu. Eins og næmni mín er í dag þá hef ég af þessu miklar áhyggjur enda í fullu starfi og námi og hef sko engan tíma til þess að vera að óléttast þetta og erfiðast og uppskera svo ekki neitt nema vanlíðan....fæ ekki einu sinni að PASSA (hef að vísu sett fram þá kenningu að foreldrar hræðist að leyfa mér að passa af ótta við að börnin taki ástfóstri við mér... því ég er besta mamma í heimi..jamm).

En nóg um það....Ég vil hér með mótmæla þessari óléttutísku og biðst undan að fleiri bætist í hópinn því ég tel að þessi að verða þriggja ára meðganga mín sé engan vegin eðlileg...

2005-02-21T01:05:00.000Z

Vetrarhátíð!!...My..ass..
Þrátt fyrir tímaleysi dauðans þá ákvað ég að reyna að finna smugu til þess að njóta þó ekki nema einnar sýningar á þessari árlegu hátíð vetrar. Enda hef ég sem skattgreiðandi fyllilega greitt fyrir þessa uppákomu og því ekki úr vegi að fá eitthvað fyrir sinn snúð.
Ég var fyrir LÖNGU búin að stúdera dagskrána og þrátt fyrir að vera vinna alla þessa daga er hátíðin var haldin þá hélt ég alltaf í vonina.Og jú...vonin varð að veruleika...ég GAT jibbíí....skoðað eitthvað á milli 19-23 á laugardagskveldinu.

Fremst í broddi ágætrar fylkingar var haldið af stað upp í Perlu á sögusýningu en þar átti einmitt að hefjast leiðsögn um safnið klukkan 19. Er þangað var komið var augljóst að ekki yrði mikið um neina leiðsögn þar sem í Sögusafninu var eitt stykki EINKATEITI með viðeigandi vínglösum. Nú frekar hissa leit ég inn fyrir dyrargætt safnsins og hitti þar fyrir bardömu sem tilkynnti mér að SAFNARDAGURINN HEFÐI VERIÐ Í GÆR....!!!
Ég var bara orðlaus..enda taldi ég að safnadagurinn væri allir þrír dagarnir. En það er víst eingöngu við mig að sakast varðandi þann misskilning. Nú þá var bara að rifja upp hið snarasta hvernig dagskráin hefði litið út....Þar sem ég mundi bara eftir einhverju í Húsdýragarðinum þá var farið þangað í snarhasti...komum allt of snemma...og ekkert í gangi. Ég mundi jú að eitthvað átti nú að vera að gerast í Skautahöllinni svo ferðinni var haldið þangað. Jújú...þar voru svona 12 hræður fyrir utan íshokkíleikmenn sem voru að hita upp fyrir leik en hann átti ekki að byrja strax. Nú voru góð ráð dýr. Áttum við að hanga og horfa á ísbílinn hreinsa ísinn eða gera eitthvað annað? Annað var fyrir valinu og fylkingin yfirgaf höllina. Nú úti var byrjað að rigna...en engu að síður var sameiginleg ákvörðun tekin á staðnum og ákveðið að skella sér í garðinn góða í von um að hitta fyrir nokkur indæl dýr. Fyrst dýra hittum við seli sem eru indælustu dýr jarðar. Þau kinkuðu kolli til okkar frekar ósátt við hlutskipti sín í pínulitlum drullupolli. Áfram var förinni haldið í leit að fleiri dýrum en þau voru hvergi að finna utandyra heldur harðlæst inni enda laugardagskvöld....minn misskilningur. Ég hélt í ALVÖRUNNI að dýrin yrðu til sýnis þar sem jú garðurinn átti að vera opinn en það var víst ekki. Enn og aftur var við minn misskilning að sakast. Nú við gengum áfram í rökkrinu og eltum kertaljósin sem lýstu upp göngustíginn. Stundu seinna vorum við víst komin að AÐALSTAÐNUM sem var nokkurs konar kaffitería og viðhengi hennar var tjald. Sem samt loksins komin á leiðarenda í eitthvert tjaldteiti. Okkur leist nú ekki illa á það. Þegar inn var komið tóku á móti okkur nokkrar hræður ( einar 7 ) sem auðvitað litu til okkar furðulostin. Í þessu tjaldi áttu að hefjast TÓNLEIKAR. Hálf vandræðaleg stóðum við þarna tvístígandi…eigum við?...Eigum við ekki að setjast á meðal þessara 7 og hlusta á Sálma? Enn og aftur var mikilvæg ákvörðun tekin og þríeykið flýtti sér út úr viðhenginu staðráðið í að reyna að gera eitthvað gott úr þessu kveldi.
Við brunuðum í bæinn skelltum okkur á Lífræntkaffihús, sötruðum kakó og hneyksluðumst á þessu frekar ömurlega plani leiðsögumannsins (ég) sem hafði sko alls ekki staðið sig í stykkinu.

2005-02-19T01:12:00.000Z

Ég er EKKI að standa mig í þessu bloggeríi....skýringin er án efa sú að ég er að skrifa alla daga og hef vart undan við að klára þessar mis-skemmtilegu heimaverkefni.
Hefðbundin vinnuvika í skólanum eru 15 blaðsíður um fjölmiðla, svo bætast við a.m.k. 2-3ja síðu verkefni um eitthvað voða viturlegt eins og EFNAHAGSÁSTAND ÍSLANDS....Og þetta eru bara skylduverkefnin nenni ekki einu sinni að telja upp stóru verkefnin sem ég á að vera að vinna í á hverjum degi.
Svo má ekki gleyma öll þessi blogg sem ég er áskrifandi af og það er bara fullt starf að fylgja þeim skrifum eftir, nú svo þarf að skrifast á við pennavinina, múttuna í usa og systuna í rússalandi...S.s..Berglind er voða voða löt

2005-02-12T23:04:00.000Z

Á veraldarflakki
Ótrúlegt hvað þessi netheimur er lítill!
Ákvað að gera smá tilraun og hún tókst.
Tilraunin gekk út á nokkuð sem maður gerir ansi oft þegar maður hittir fyrir nýja manneskju.
Það er að finna einhvern einstakling sem við þekkjum sameiginlega. Veit ekki afhverju þetta er gert...eflaust eitthvað í íslensku genunum. Nú leið mín lá inn á síðu Ásu Láru og þaðan yfir á síður brósa hennar. Á þeirri síður fann ég áhugavert nafn hennar Ljúfu sem átti link inn á Nornasveiminn og þar sem ég hef alltaf talist til norna þá lá leiðin beint þangað inn. Þar hitti ég fyrir ansi áhugaverðan erkióvin framsóknarmanna sem gladdi mitt litla hjarta enda ætti sá flokkur að vera löngu afskrifaður. Nú Hnakkus hafði link inn á Þrengslin sem var ansi áhugavert nafn og því tilvalið að forvitnast frekar um þann einstakling og hvað fann mín þar....jújú...link inn á gömlu vinkonuna hana Hallveigu!!!.....Já! missjön acomplíst....Voða kát með þessa merkilegu tilraun á föstudagsnóttu komst ég að því að þetta væri í raun og veru helv...langur listi ( miðað við ættartengls og höfðatölu þessa ástkæra skers) og ég var viss um að ég hlyti að finna einhvern sem ég þekki í færri tilraunum. En þar sem klukkan var orðin ANSI margt þá lét ég staðar numið í þetta sinn. Ég mun ótrauð halda áfram þessari tilraunastarfssemi minni og tileinka næstu helgi frekari vettvangsferð á netinu í leit að kunnugum sálum.
s.s. Túbícontinjúd pistill.....

2005-02-11T01:31:00.000Z

Er ég báslaus belja...?
Furðulegt hvernig við mannverurnar þurfum alltaf að vera að hola okkur/eða aðra niður í ákveðna ,,bása”....jamm BÁSA...Við tökumst á við ólík hlutverk daglega svo sem að vera börn foreldra okkar, barnabörn, systkin, vinir, makar,vinnufélagar, skólafélagar, kunningjar,o.s.frv... og þar með erum við ósjálfrátt staðsett í ákveðnum básum. Það eru til dæmis til foreldrabásar, parapásar, jeppabásar og svo má nú ekki gleyma aðal básnum sem er aldursbásinn...
Um daginn komst ég að því að ég er í frekar glötuðum bás...ja eða jafnvel bara básalaus. Ég er kona einsömul, án barna, á ekki eigið húsnæði né bíl (JEPPA...hint hint...) og ekki er ég í 100% vinnu... Sökum aldurs þykja mín hlutskipti frekar básaóvæn. Vegna alls þessa fæ ég ekkert alltaf að leika mér með ólíkum básabeljum...sem er frekar glatað....Það vill nefnilega oft verða þannig að beljur sem eiga eitthvað sameiginlegt hópa sig saman....í bása.....
Jæja þessar fáu sálir sem hafa nennt að lesa pistilinn eru eflaust að velta fyrir sér hvaða belju og básatal þetta sé eiginlega á mannskepnunni henni Berglindi en þannig er mál með vexti að ég er að uppgötva að með hverjum deginum sem líður þá er ég að fjarlægast hina ýmsu bása. DÆMI...okey...alveg sjálfsagt...hér koma nokkur.

Vinahópurinn minn fjölgar sér svo ört að ég er löööngu búin að heltast úr lestinni hvað varðar bleyjuskipti,pelamjólk,leikskólavandræði,húsnæðiskaup,matarinnkaup fyrir fleiri en einn o.s.frv... Mín hversdagsleg verkefni snúast meira um það að komast lífs af í þessu þrælanámi mínu, mæta í vinnu á réttum tíma og narta í ristað brauð... Svo það er augljóst að þarna mætist beljur í ólíkum básum.

Innan þessa sama vinahóps eru jeppakarlar og jeppakerlingar...ég er meira svona kerling svo ég á lítið sameiginlegt með áhugamálinu vegna eins stórs vandamáls hvað það varðar....Mín á ekki jeppa!. S.a...rangur bás fyrir Beggu belju ... og gömlu góðu vinkonurnar týndar og tröllum gefnar : Þ búnar að hreiðra um sig í BÁSNUM.

Í vinnunni á ég ekki mikla samleið með annars yndislegum samstarfsfélögum, enda lítið um fólk hittist eftir vinnu þar sem allir í dag eru í fjölskyldubásnum.

Í skólanum er klikkað að gera og flestir í þessum margumtalaða fjölskylduBÁS sem MÍN er einmitt ekki í. Svo það er frekar lítið um að við námsfélagarnir hittumst til annarra hluta en að sinna fjölda verkefna sem hellt er yfir okkur. S.s. saman í pás í verkefnavinnu en að henni lokinni þá snúa allir í sinn rétta bás eins og vel upp aldar beljur....Það er ekkert svo sem rangt við það...en ég bara finn engan í minn bás...svo þar má ég kúra ein fúl.

Hmm...p.s...Kannski er ég meira þessi lífrænt ræktaða belja en þær eru jú báslausar...jamm ætli það ekki bara....Hér með auglýsi ég eftir lífrænt ræktuðum beljum sem eru til í að spranga um og óþekkast...jafnvel heimsækja og hrekkja beljurnar í básunum ;)

Jæja... þessu bása og beljubauli er hér með lokið...

2005-02-02T10:45:00.000Z

Jæja góðir hálsar!
Berglind er komin úr fríi.....
Ættingjar og vinir flýja land og eftir situr Berglind ein á skeri.
Nýjasti meðlimur þessara íslensku útrásar er hin ástkæra systir mín, ofurkvendið Katrín hin mikla. Ég ráðlegg sem flestum að fylgjast með ævintýrum hennar á þessari slóð. Hver dagur í lífi skottunnar er fullur af alls konar uppákomum enda lífleg manneskja með eindæmum,hnyttin og þrjósk eins og sönn rauðka.S.s spenna og læti á rússablogginu næstu mánuði.

2004-12-08T20:21:00.000Z

Berglindarblogg er komið í frí

2004-11-23T20:14:00.000Z

"What does your birth month reveal about you?"

July
Fun to be with. Secretive. Difficult to fathom and to be understood.Quiet unless excited or tensed. Takes pride in oneself. Has reputation. Easily consoled. Honest. Concerned about people's feelings. Tactful. Friendly. Approachable. Emotional temperamental and unpredictable. Moody and easily hurt. Witty and sparkly. Not revengeful. Forgiving but never forgets.Dislikes nonsensical and unnecessary things. Guides others physically and mentally. Sensitive and forms impressions carefully. Caring and loving. Treats others equally. Strong sense of sympathy. Wary and sharp. Judges people through observations. Hardworking. No difficulties in studyin">

Ehhh...jájá...písofkeik að læra....that's me

2004-11-19T19:59:00.000Z

Föstudagskveld og hvar er ég meðan að aðrir Íslendingar horfa á Idol...júhú....enn og aftur á AÐALKAFFIHÚSINU í sjálfri Hamraborginni...frábær smekkur á tónlist hjá barstúlkunum...íslenskt já takk...væn og góð tónlist.
Annars er brjálað að gera í vinnunni...skóli??? hnuss...

Allt í einu eru Spánverjarnir mínir búnir að uppgötva ELDGOSIÐ í Vatnajökli og pósturinn hleðst upp hjá mér...
Berglind AFHVERJU SAGÐIR ÞÚ OKKUR EKKI FRÁ ÞESSU???
ER Í LAGI HJÁ ÞÉR?
HVAÐ ER EIGINLEGA AÐ GERAST? o.s.frv.....

Jamm skömmin ég...að upplýsa ekki fólkið um hræringarnar...sit bara sallaróleg heima meðan allir eru að drepast úr spenningi á Spáni og voru jafnvel farnir að huga að því að skella sér til Íslands ;)...

Jæja...verð að halda áfram að svara þessum pósti....
Góða helgi góðir hálsar....

2004-11-15T19:24:00.000Z

> href="Take the quiz: "WHAT RELIGION BESTS SUITS YOU?"

Pagan/Occultist
Do what thou wilt shall be the whole of the law. Spending your entire life searching various forms of philosophy and religion, you choose to observe everything and believe little. You're personality is one of truth seeking, nature respecting and god/goddess accepting. Lastly, you don't judge anyone, but if annoyed, you will exact some form of revenge. You don't believe in the Three-Fold Law.">

;) Gaman af þessu....ekkert sem ég vissi ekki fyrir.

2004-11-13T16:20:00.000Z

Uppgjör við heiminn....
Æ-i ég biðst velvirðingar ...iss og skömm!....
En ástæða fréttaleysis á þessari síðu er jú auðvitað sú að ég stend í þvílíkum skrifum þessa dagana. Sit hér uppi í Hlöðu og er að lesa frá mér allt vit. Svara ekki í síma,borða ekki,stend ekki upp úr stólnum og nú í fyrsta sinn BLOGGA ég og hef þvílíkt samviksubit yfir þessum dýrmætu sekúndum.
Þetta er að vísu skemmtilegt viðfangsefni sem ég er að fást við en tíminn er að hlaupa frá mér eins og ávallt þegar um STÓRMEGARISARITGERÐIR eru að ræða.

Það er því ekkert að frétta...nema jú....það er kisa hérna inni í Bókhlöðu sem heitir Funi ef einhver saknar högnans síns. Hann var svo sætur eitthvað og hrakinn að ég vildi ekki segja til hans...reyndi samt að hringja í foreldrana en þeir svöruðu ekki. Kannski ég bara taki hann með mér heim á eftir ;)

Ef vel gengur þá mun bloggið hefjast að nýju á þriðjudaginn...annars þá bið ég ykkur bara vel að lifa og vona svo sannarlega að þið spjarið ykkur þarna úti.

2004-11-03T10:29:00.000Z

Forsetakosningar
Það var glaumur og gleði í gærkveldi í Hafnarhúsinu við Tryggvagötu þar sem Bandaríska sendiráðið stóð fyrir kosningavöku. Sem tilvonandi ,,fréttamaður" mætti ég auðvitað á svæðið ásamt samnemendum mínum og áttum við þar frábæra kvöldstund.
Mér leist ekkert á blikuna í fyrstu þegar ég kom að en svartklæddur öryggisverður með SVÖRT SÓLGLERAUGU ( kl var 22:15....mjööög dimmt) tók á móti mér og skannaði listann....jú jú...Berglind hafði haft vit á því að skrá sig í tæka tíð.

Nú þegar inn kom þá fékk maður stemminguna beint í æð. Húsið var allt skreytt í usa fánalitum,blöðrur,veifur,borðar,skraut,glimmer og glamúr...annað eins hef ég ekki séð á ævi minni. Þessi vaka sló út allar aðrar vökur sem ég hef sótt og hafa þær nú verið margar ;) víðs vegar að úr heiminum....

Sendiráðið kann sko að halda boð...út um allt voru borð yfirfull af alls konar Bandarískum kræsingum,súkkulaðikökur,matur,snakk,grænmeti,kleinuhringir,vín,bjór,kók,kaffi...ég gæti haldið áfram vel og lengi...það var nægur matur til þess að fæða alla Garðbæinga í 2 daga ( en það er mikill matur). Áður en ég vissi af var ég komin með rauðvínsglas í hendi og í hörkusamræður við ókunnugt fólk.

Pallborðsumræður hófust fljótlega og sannaði Gísli Marteinn enn og aftur hversu snilldarlega fær fréttamaður hann er,líflegar og skemmtilegar umræður enda allir viðmælendur með Budweiser bjór í hendi í stað vatns ( ánægjuleg tilbreyting það og fín auglýsing).
Fyrir aftan pallborðið hafði verið komið stærðarinnar skjá þar sem gestir fengu svo að fylgjast með þróun mála í usa. Það var frekar flókið ferli og erfitt að setja nokkurn skilning í tölur ( í fyrstu ) ... en með pásum inn á milli ( þar sem svolgrað var í sig meiri vökva ) þá jókst skilningurinn til muna.

Ferðinni var svo haldið heim á leið að ganga 02...enda líka farin að heyra í bjórflöskum detta og rauðvíni sullast ( verst hvað Íslendingar þurfa alltaf að ,,KLÁRA" veislur )

En þar sem ég var svo ofvirk eitthvað þegar heim var komið ( eflaust eftir allt brokkolíátið) þá hélt ég mína eigin kosningavöku þar til ég sofnaði út frá skrítnu blaðri í gráhærðum karli.

Einstaklega gaman og áhugavert kvöld og vil ég þakka sendiráði Bandaríkjanna kærlega fyrir gestrisnina.

2004-11-02T08:01:00.000Z

Í fréttum er það helst.......
Jibbbí...bara gos í Vatnajökli...
...já já ...afhverju er ég að fagna náttúruhamförum og það á blogginu mínu...
Mjög einfalt mál...
Fréttatímar undanfarið hafa einkennst af ömurlega leiðinlegum viðfangsefnum.
Ef ekki er verið að flytja fréttir af stríðshrjáðum svæðum þar sem áhorfandi fær að sjá sundurskotna líkama fólks sem var á röngum stað á röngum tíma þá er verið að tala um spillinguna hér á landi sem flæðir nú út um allt eins og olíubrák á hafsfleti ( fín líking það )
Svo ég fagna nýjung í fréttum landsins og í fyrsta sinn í margar vikur hlakka ég til að horfa á fréttir í kvöld...
Svo er bara að krossleggja fingur og vona að gosið standi ekki yfir lengi þar sem hætta er á útþynntum og leiðinlegum gosfréttum sem er jafn slæmt og hin viðfangsefnin...

2004-10-30T21:34:00.000Z

Kosningu er hér með lokið....if's official...

Það er stórfurðulegt að ég skuli ekki hafa séð þetta...auðvitað...afhverju að leita langt yfir skammt. Bryndís þú setur hlutina alltaf í eina rétta samhengið.
Kjöltutoppur it is...

Sit hér á AÐAL kaffihúsinu nýbúin að senda frá mér verkefni. Lífið er yndislegt. Föstudagskveldið fór í tölvuvesen,pirring og áhyggjur og laugardagskveldið í áhyggjur,verkefnaskil og gulrótaköku skolað niður með kakó með rjóma.

Furðulegt að sitja hérna. Er ég kom þá voru 3 stelpur að spila spil og svo ég en það er augljóst að það er að færast líf í leikinn því ég er orðin umkringd alls konar fólki.

Það eru vinkonurnar 3 á fimmtugsaldri sem sitja fyrir aftan mig. Komnar hingað til þessa að slappa af og skiptast á lífsreynslusögum og það liggur við að mig langi til þess að hlera enda kátar og lífsreyndar konur sem hafa eflaust frá mörgu að segja. Fyrir framan mig situr par einnig á fimmtugsaldri. Hann snýr baki í mig og horfir út um gluggan. Þau getað þagað saman, góðs viti það. Svo er það parið á bakvið súluna...eitthvað gruggugt í gangi ég finn það á mér.
Fyrir aftan mig situr einnig maður að bíða eftir konunni sinni,hún skrapp á klóssettið. Kannski er hún ekkert konan hans. Hann er með silfurlitaðan síma um hálsinn sem mér finnst furðuleg sjón . Hann hefur eflaust verið lyklabarn en það eru meiri en 40 ár síðan!!! Kannski er hann að skapa nýja tísku...Við hliðina á honum sitja tvær vinkonur önnur þeirra fór líka á salernið og ég sem hélt að það væri bara eitt kvennasalerni á Borginni. Bakvið grugguga parið sitja tvær stelpur en þær ásamt mér ná meðalaldrinum niður. Nei nei...meðalaldurinn hækkaði rétt í þessu því inn kom par á sextugsaldrei sem hefur nú hlammað sér niður hjá ungpíunum.
Sverrir Bergmann er að syngja í útvarpinu ásamt Bó og þjónustustúlkurnar stjana við okkur.

Ég sit ein með kjöltutoppinum og bjór ... Eflaust mesti furðufuglinn þar sem ég páraði þetta virkilega niður.
Jæja...52% eftir af orku eftir í toppnum mínum ætli ég fari ekki bara að skunda heim í náttföt. Vinnudagur á morgun og því meiri áhyggjur og verkefni framundan.

Volæðispistli þessum er hér með lokið!

2004-10-27T21:53:00.000Z

ÉG ELSKA KJÖLTUTOPPINN MINN!!!!
Lífið er YNDISLEGT!!!....og allt annað eftir þessa líka fínu fjárfestingu...
Ég er orðin nettengd aftur...THANK GOD....mér finnst eins og ég sé núna loks að byrja í náminu...þegar hmm...eehh..já...einmitt...nokkrir dagar eru eftir af þessari önn...en þetta er bara satt...ég er búin að vera algjörlega úti að aka undanfarnar vikur. Vaskur heimilistölvan er enn með flensu og krefst þess að fara í þessa líka ótrúlega dýru aðgerð svo ég bara gerði betur og yngdi upp...jamm og sátt við það skal ég segja ykkur....

Sit hérna á KaffiBorg sem er sko staðurinn...ójá...hef grun um að þetta verði mitt annað heimili, þráðlaus nettenging og alles....fínt útsýni til Reykjavíkur sé næstum því heim til Lilju og Jóa...glæsileg Kópavogskirkja skartar sínu fegursta,upplýst og tignarleg á þessu líka fína vetrarkveldi....ohh..ég er orðin ljóðræn...

Jæja..búin að sitja hérna og fara yfir póstinn minn...komst að því að ég hef misst af miklu undanfarna daga þar sem ég komst ekki í tölvu...frekar slæmt það... en so be it

Komin tími á heimför ...

Einhverjar uppástungur á nafni fyrir nýju elskuna í lífi mínu?

Black Beauty er uppástunga Kötu systur ...anyone...anyone....???

2004-10-11T19:11:00.000Z

Iss..veit ekki hvað ég var að bulla þetta....komin heim my ...sss....
Ég er ALDREI heima!!!!....Búin að lofa sjálfri mér að eiga tíma fyrir SJÁLFIÐ....og hvað gerist....einmitt....

Það allra allra nýjasta að frétta úr mínu lífi er að ég þarf að kaupa kjöltutopp til þess að einfalda lífið....ég er einhvern vegin viss um það að lífið verði miklu betra eftir slíka fjárfestingu. Þá get ég unnið heima hjá mér...á kaffihúsum..heima hjá vinum...í vinnunni ( in my dreams) og úti í móa ef mér dytti slíkt í hug...einmitt...EINFALT OG BETRA LÍF...erum við ekki öll alltaf að sækjast eftir slíku?

Jæja..sit hérna á bókasafninu að rausa....klukkan orðin kvöldmatur svo ég er á leið heim að borðlæra...lærborða...en það er nýjung í mínu lífi....

Aron Atli til hamingju með nafnið!!!....Ég fer ekki ofan af því en þetta er eitt glæsilegasta barn sem fæðst hefur frá upphafi...

2004-09-24T13:40:00.000Z

Jjjjjéeeg er komin heim í heiðaaaaadaaalinnn komin heim....tralalala.....

Jebb...alvara lífsins tekin við.
Þessi ferð var mjög svo áhugaverð og hefði ég alls ekki viljað missa af þessum skrítna hópi spænskra karlmanna sem ákvað að ferðast um landið á einni viku og sjá ALLT !
Ég get ekki sagt að þetta hafi verið hefðbundin leiðsögn því það var hún sko alls ekki.
Lífsýn mín sem leiðsögumaður hefur BREYST ;) Eftir 6 ár í bransanum þá var ég eiginlega viss um að ég hefði upplifað allt en svo er víst ekki.
Í raun og veru leið mér eins og fylgdarkonu í stað leiðsögukonu. En það er mikill munur á sko ;=)

Leiðsögukona -- Farþegar fylgja þér,þú ræður og allir voða voða happý
Fylgdarkona -- Fylgdarkona fylgir farþegum,þeir ráða og fylgdarkonan þarf að redda fáránlegustu hlutum og allir eru voða voða happý.

Ég fékk gefins Mjallhvítarfótbolta frá hópnum sem var voða sætt ;) ... Þeir keyptu hann á Egilsstöðum í þeirri von um að geta spilað fótbolta ( sú von varð að engu).

Ég er alvarlega að hugsa um að gefa út hugleiðingar mínar úr þessari vikuferð og auðvitað mun titill þeirrar dagbókar bera nafnið.

Mjallhvít og dvergarnir sjö - æsispennandi lífsreynslusaga

Jæja hætt þessu bulli. Skólinn byrjaður aftur og nóg að gera á þeim vígstöðum.
Vinnuhelgi framundan og afmæli hjá pabba.

Bið að heilsa ykkur Brynkus og Jónus Einarus í útlöndunum.....ekkert smá öfundsverð!!!

p.s
Vildi að ég væri í verkfalli og ætti kærasta!!!

2004-09-20T20:01:00.000Z

Ok..hvað er málið!!!!
Það snjóaði á okkur í dag...svona slyddupiddusnjór....öll föt hrikalega blaut og veðurhorfur fyrir hálendið á morgun EKKI GLÆSILEGAR....sniff...( ath..ekki grátsniff..heldur mérerkaltsniffogerekkimeðnóguhlýfötfyrirþettaveðursniff)....Hmm...hvað hefur gerst í dag...sko samkvæmt prógraminu blessaða áttum við að fara frá Egilsstöðum í dag og taka....Dettifoss,Ásbyrgi,Tjörnes, fara í hvalaskoðun ( 3klst) á Húsavík- skoða safnið,skoða allt það fallega sem Mývatn hefur upp á að bjóða OG VERA KOMIN TIL AKUREYRAR SVONA UM 18:30!!!......sem sagt...RÍKIÐ LOKAÐ.....sem er voða voða slæmt....

Það sem við gerðum var...Egilsstaðir-Krafla( þ.e. Leirhnjúkur og Víti) Námaskarð ( höfðum bara tíma fyrir EINN DRULLUPOLL, Grjótagjá,Goðafoss- Akureyri ( komum í bæinn kl 19:00 ...keyptum í Ríkinu í gegnum síma og létum senda það á hótelið...einmitt... ekki svo slæmt....

Jæja..sit hér í lobbíinu en ÉG ER TILBÚIN..voða fín og sæt....með stríðsmálningu og skartgripi.....en karlarnir mínir...eru náttúrlega ENN að hafa sig til ;) gaman það....nú þegar orðnir of seinir í matinn ;)

Bið að heilsa í bili og vona að við verðum ekki úti á hálendinu....

2004-09-20T01:08:00.000Z

Jæja..pistill frá Egilsstöðum...ekki slæmt það....
Komst á netið fyrir heilar 300 kr ;)
Þessi ferð mín um landið er búin að vera ótrúlega skemmtileg....hef varla upplifað annað eins enda í fyrsta sinn sem ég fæ að vera fylgdarkona 7 karlmanna. Ég er á 4 degi í 8 daga ferð og ég veit ekki hvort hjarta mitt þolir meiri hlátur... Þessir prýðismenn voru ansi fljótir að finna gott nafn á þennan furðuhóp...en ég er sem sagt Mjallhvít og þeir dvergarnir sjö...sem lýsir okkur bara ansi vel verð ég að segja ;)

En mitt verkefni núna er að finna EINHVERN sem kemst í ríkið á morgun á Akureyri því við verðum víst að kaupa GIN!!!! Vínbúðin opnar ekki fyrr en hálfeitt í bænum og við höfum sko engan tíma til þess að bíða eftir því enda á að taka allt Mývatnssvæðið á morgun og komast á Akureyri fyrir kl 18:30 ;) ...Ef þetta tekst ekki hjá mér þá verða það ekki bara kennarar sem fara í verkfall í dag heldur einnig dvergarnir sjö....og ég er ekki að grínast....sé alveg fyrir mér að þeir neiti að leggja stað fyrr en þeir eru vissir um að hafa ginflösku í töskunni sinni....

Jæja...tölvan var að láta mig vita að ég eigi 3 mín eftir...svo það er eins gott að hætta þessu og fara að VINNA..... ;)
kv,
Berglind í þokunni á Egilsstöðum

2004-09-14T14:04:00.000Z

Þetta er snilldin ein!!!....
http://www.avaxtabillinn.is
Ég vildi að ég væri að vinna hjá FYRIRTÆKI......

Annars fór ég í morgun á Errósýningu....Mjög áhugaverð. Það rifjaðist upp fyrir mér á sýningunni að Erró var fyrsti listamaðurinn sem ég fór á sýningju hjá.....Ætli ég hafi ekki verið 9-10 ára er ég fór með múttu og systu...Ég man alveg viðbrögð mín.....Mér fannst þetta skrítnar myndir....nekt og geimfarar....náði því engan veginn...allir þessir litir og teiknimynda-fígúrur...Mér fannst þetta furðulegur málari....
En ég náði þessu svo sannarlega í dag .....

Það liggur svo margt á bakvið nekt og geimfara....... ;)

2004-09-13T15:17:00.000Z

TAKK FYRIR MIG!
Það var ótrúlega gaman á föstudagskvöldinu en Brynkus og Jónus Einarus buðu mér á tónleika með Herði Torfa. Ég er eiginlega orðlaus yfir þessum tónleikum. Þvílík fyndni.....þvílík gleði....þvílík skemmtun.....vafalaust skemmtilegustu tónleikar sem ég hef farið á.
Hrifning mín var nánast að bera mig ofurliða ...klappaði skinnið bókstaflega í burtu úr lófanum...blístraði ótt og títt, söng með og iðaði í sætinu og endaði svo herlegheitin með því að standa upp og fagna svo ákaft að Hörður ákvað bara að skella sér upp á svið aftur og taka AUKALÖG!!!....NÆS ÞAÐ SKO....

Afhverju var ég ekki búin að uppgötva Hörðus Torfus??...Brynkan var jú oft búin að nefna karlinn nafni en hann fékk aldrei tækifæri frá mér....furðulegt en satt....

Ég ætla sko á ALLA hausttónleika sem verða haldnir með karli...Nýr aðdáandi hefur bæst í hópinn ;)

Takk enn og aftur fyrir mig kærustuparið mitt.... ;Þ

2004-09-10T13:14:00.000Z

Yess...helgin framundan....ekki slæmt það.....vinna og heimaverkefni á dagskrá næstu daga.....ég er farin að þrá FRÍ....og aðeins ein vika liðin af skólanum ;) áhugavert það.

Annars er búið að vera lítið um frí hjá mér undanfarna mánuði er frá er talin menningarnótt !
Næsta fríhelgi er fyrirhuguð fyrstu helgi októbermánaðar...TVEIR HEILIR DAGAR....sem ég veit fyrirfram að munu vera tileinkaðir LÆRDÓMI DAUÐANS....jamm..en nóg um það...röbbum nú aðeins um það sem ég vil kalla SMÁ FRÍ.....En ég á einmitt SMÁ FRÍ í kvöld....frá 20:00 til hmmm..síðasta lagi 00:00.....

Kvöldið verður án efa sérstaklega skemmtilegt þar sem ég var PÖNTUÐ sérstaklega eftir vinnu í kvöld..ég fékk ekki að vita í hvað....Eina sem ég veit er að kl 20:00 skal daman vera tilbúin til brottfarar er hún verður sótt af Brynku sinni og hennar eðalmanni....HLAKKA SVO TIL...ER SVO SPENNT....OG FORVITIN....aðeins nokkrir klukkutímar til stefnu.....jibbííií

Kípjúpóstitt.......
kv, Berglind hin spennta

2004-09-07T10:29:00.000Z

Jibbbbbííííí........æm a læf.......þreytt og sæl eftir áhugavert sumar.....

Furðulegt fyrirbæri þetta blogg....virkar ...virkar ekki...virkar.....skil það ekki...

En allavega...gott að vera byrjuð aftur að böggast.....vonandi verður veturinn fullur af snökti,böggi og öðrum herlegheitum....Veturinn legst vel í mig....byrjuð á fullu í náminu mínu...og líst mér ótrúlega vel á það......Það er aldeilis augljóst á þessari fyrstu viku skólaársins að kennarar ætla okkur stóra hluti í vetur.......Þema þessarar annar verður.... ,,HEIMAVINNA DAUÐANS"....

Svo...eins og undanfarin fimm ár.....þá mun Beggust ekki eiga neitt félagslíf....og eru vinir og vandamenn vinsamlegast beðnir um að PANTA TÍMA með fyrirvara ef áhugi er fyrir því að fá mig í heimsókn,koma í heimsókn til mín, plata mig í bíó eða láta mig passa.......jamm....

Jæja læt þetta duga í bili...verð að fara að læra....újé....

2004-09-01T08:03:00.000Z

Hmm......... ;/

2004-07-05T19:52:00.000Z

Nei hæ......;Þ

Longtæmnósí....veit eiginlega ekki hvar ég á að byrja...

Ítalía....úff....;) Ég ELSKA landið....ELSKA fólkið...ELSKA menninguna...maturinn alls ekki svo slæmur og ísinn...mmmmm.....fer sko aftur þangað....en þar til það gerist þá hef ég 4 klukkustundir af glæsilegum myndbandsupptökum úr þessari tímamótaferð okkar vinanna til þess að skoða aftur og aftur og ........

Talandi um það....á ekki að fara að setja inn myndir úr ferðinni á einhverja síðuna....hmmm..ha...??? ....má ritskoða þær áður???? ;0)

London ferðin var mjöööög skemmtileg...og svo óvænt ;) þema ferðarinnar var SÖNGLEIKIR,LEIKHÚS og KFC.... ;) We will Rock you...söngleikurinn var ótrúlega skemmtilegur enda ekki hægt annað en að gera góða sýningu með Queen lögum.

Jæja...sit hérna inni í góða veðrinu að böggast í fólki....voða gaman....hlakka ekkert smá til föstudagsins....en þá hefst gædið fyrir alvöru!!!...THANK GOD...þrái að komast út á landsbyggðina...fæ bara að tala spænsku þetta sumarið en svo virðist sem fjölgun sé á spænskumælandi ferðamönnum þetta árið því það er allt að verða vitlaust í símanum mínum.

jæja..talandi um vitlausa síma... ég þarf að fara að einbeita mér að vinnunni...:Þ

SJÁUMST HRESS OG KÁT Í HAUST........

:*

2004-06-06T21:11:00.000Z

Hellú....This is Norwich calling....Bara að láta ykkur vita að við erum að fara til RÓMAR...EFTIR JA.....leigubíllinn sækir okkur eftir ...hmm..eða við þurfum að vakna eftir 6 klst....;)...ferðalagið hefst snemma.....en flug eftir 11 klst...komnar til Rómar eftir 17 klst....YEAH..BABY....BUSH nýfarinn og Ladý-in og ég rétt ókomnar...erum búnar að vera að plana dagana í Róm...og það verður sko EINN HEILL DAGUR tileinkaður DAN BROWN......ANGELS AND DEMONS..DAGUR....Hlakka sko til......jæja.....þarf að fara að vaska upp....pylsupartý eftir nokkrar mín......íslenskt pylsupartý.....monthænan kveður....að sinni

2004-06-01T16:47:00.000Z

Ég er komin í sumarfrí!!!....Hugurinn löngu farinn út en búkurinn fær ekki að fara úr landi fyrr en eldsnemma á föstudagsmorgni...HLAKKA SVO TIL....

Er búin að vera að dekra við mig í dag....eða pína mig...fór til Tannsa...og fékk himinháan reikning....skelti mér í vax...en ég hef víst eitthvað misskilið þetta...ég hélt að maður ætti að safna hárum til þess að fara í vax...MÆLI EKKI MEÐ ÞVÍ....

Geri fastlega ráð fyrir að þetta verði minn síðasti pistill fyrir Ítalíuför svo ég bara bið að heilsa landanum í bili...og kem sko fílefld tilbaka með allt slúðrið....og myndatökur af því....

Hafið það sem allra best....hmmm....ég veit eiginlega ekki hver mun lesa þetta pár....því jú það verða nú flest allir vinirnir úti...JIBBBBBBBÍÍÍÍÍÍÍÍÍ.....

Monthænubloggi er hér með lokið...í bili....

2004-05-26T21:06:00.000Z

Roooosalega gott veður og ég hangi inni hringjandi í ókunnugt fólk þ.e...reyni að hringja í ókunnugt fólk sem náttúrulega er ekki heima þar sem veðrið er svo rooooosalega gott!

Talandi um roooosalega gott veður þá eru ÁTTA dagar þar til ÉG fer til UK...og og og...11 dagar þar til ég fer til Rómar og og og 17 dagar þar til ég fer til Trento...lalala....bloggið mitt næstu daga verður svona MONTHÆNUBLOGG....lalalala.....og talandi um að fara út eftir 8 daga þá þarf auðvitað að fjárfesta í svona útlandafötum og skóm sem ég reyndi að gera í dag og tókst bara fjári vel.....Vísakortið mitt sem átti að fara ósnortið út er óhreint eftir afrakstur dagsins sem er....

Sandalar ...með kúl arabískum stöfum...veit ekkert hvað stendur á þeim...vonandi eitthvað sniðugt eins og BUSH IS NOT MY PRESIDENT....

Hlýrabolur ...voða sætur með silfurlituðu fiðrildi og N.B. BOLURINN ER BLEIKUR JÓI!!!

Hnébuxur ... JEBB...Einnig bleikar.....voða fínar.. JÓI!!!

Hnébuxur ... hmm....húðlitaðar..neee...drapphúðgrænsleikjubrúngrátt...voða fínar ;)

Stuttermabolur ... MEGA FLOTTUR HVÍTUR sem verður voða fínt í sólinni....með auðvitað íslenska fánanum ....ekki bara einum HELDUR TVEIMUR!!!!!

Langermabolur ... Þjóðremban var alveg að drepa mig í dag svo ég auðvitað VARÐ að fjárfesta í skjaldamerkisbolnum sem mig er búið að langa í svoooooo lengi...hann er BARA FLOTTUR...og verður sko notaður á 17.júní....í útlöndunum.....hæ hó jibbbbí jei...

Töfflur ... BLEIKAR...JÓI....MEÐ BLEIKUM PALLÍETTUM.....

Litur sumarsins er BLEIKUR.........Ég er svo INN þetta sumarið og bara farin að klæðast litum aftur sem er ánægjuleg tilbreyting ....enda orðin þekkt fyrir svarta ,,litinn" minn....

Jæja..ég er bara orðin pirruð á að hringja í ókunnuga fólkið sem er að spóka sig úti meðan ég er inni......23 mín eftir .....en þá ætla ég að bruna upp í Mosó og ná í næturgestinn minn .....verður bara gaman í kvöld.....

2004-05-25T18:52:00.000Z

Ég er á lífi.....búin að pakka niður fyrir Ítalíuferðina .....ÉG ER AÐ FARA ÚT EFTIR TÍU DAGA........jeeeeeeeeeeehhhhhhbbbbbíííííí...........MÆGOD.....hvað ég hlakka til.....

Annars er lítið að frétta...er ekki komin með meiraprófsréttindi....en þau koma þau koma...þótt síðar verði...á að fara í próf næsta lau...er strax farin að svitna fyrir það...ÉG VEIT AÐ ÉG MUN FALLA....Æ NÓ ITT........Fjárfesti í júródisknum 2004 sem er SNILLDIN EIN..hef hlustað á hann sVOOOOO oft að ég kann nú orðið Serbía-Svartfjallaland OG ÍSRAEL-lögin ;)....ein vinkona mín var nú ekki hrifin af þessu uppátæki mínu og telur mig SNARKLIKKAÐA.....Bíddu bara Brynkus....ég hef diskinn með mér til Ítalíu ;)

Ég blæs á allt geðveikistal....veit betur ;)

Annars var ekki ætlunin að pára hér inni í dag ....en þar sem ég skrapp upp í skóla stóðst ég ekki freistinguna....tölvuvandræðin eru enn megabömmersvandamál á mínum bæ og svo klikkaði heimasíminn í dag.....Ég get ekki hringt í neinn en allir í mig......þoli ekki svona....Ég held þetta séu samantekin ráð....EINHVERJA...að kötta mig úr sambandi við umheiminn.....