Ég verð að deila þessu....en ég var sko að finna rit sem systa lánaði mér (fyrri nokkrum árum og sagði að ég þyrfti að skila ) og þar eru sko góðar upplýsingar fyrir lúser konur eins og mig...

"LEIÐARVÍSIR Í ÁSTAMÁLUM - Fyrir ungar stúlkur ( ÉG! ) Eftir hina djörfu og mjög svo kvenlegu "Madam Tobba" . Var þetta mjög svo hentuga rit gefið út í Reykjavík 1922 af Bókafélaginu Nýja ....

Og hefst nú lestur ...
1.kafli
Hvað er það,sem gerir konur yndislegar í augum karlmanna? ( einmitt)

" Ég er sannfærð um, að engin sú kona er til og hefur aldrei verið til,sem eigi hefir lagt fyrir sjálfa sig þessu líka spurningu einhvern tíma á æfinni,og þá helst meðan æskan og fegurðin voru í blóma sínum; (eehhh ) þegar lífið brosti við og vonirnar voru sem bjartastar og himinháu skýjaborgirnar enn ófallnar ( jájá..nuddaðu þessu bara inn!!! ), þá hefir þessi spurning komið fram í hugum allra kvenna
( bannað að alhæfa ) og hver hefir reynt að svara henni eftir bestu vitund --- með framkomu sinni.
Það er tilgangur minn með þessum bæklingi, að reyna að benda ungum og gömlum ( hnuss ) kynsystrum mínum á ýmislegt það,er verða mætti þeim til leiðbeiningar í umgengni og samlífi við karlmenn, og einkum hvernig þær eiga að hegða sér og haga til þess að verða yndislegar í þeirra augum.
Vitanlega verður þessi tilraun mín afar ófullkomin ( afsakanir afsakanir ), enda eigi á hvers manns valdi að rita stóra bók um þessi efni,en á það er einnig að líta, að verðmæti bók fer eigi eftir blaðsíðufjölda og orðamergð þeirra ( hún er eitthvað sár yfir hversu lítill pappírspési þetta hefti hennar er ..28 bls...20 línur ( 4cm breiðar ) á hverri bls..s..s..í mesta lagi 4 A4 blöð) ,heldur eftir hinu, ( hvað er þetta eiginlega með Tobbu og kommur....típísk kvk..notar aldrei punkta.... )hvort bókin ber á borð fyrir þjóðina helnæmar og siðbætandi kenningar, hvort heldur eru um landbúnað og ástamál ( fín líking! ). ( punktur )
Að svo mæltu sný eg mér að efninu ( hjúkkit og komin tími til ) og bið þig ( mig og þig ) að fylgjast með mér ( geisp ) og veita þeim bendingum athygli sem eg vil gefa þér ( mér ),til þess að þú getir orðið yndisleg í augum karlmanna,einkum þó unnusta þíns eða eiginmanns.
Já,hvað er það,sem gerir konur yndislegar í augum karlmanna?
Það eru eigi fötin ( what! ),hatturinn ( :( ), skórnir eða fingurgullin ( ó vei ó vei ). Og það er heldur eigi fegurðin ein. Gyðju-fríð kona getur verið svo köld á svipinn --- svo albrynjuð stærilæti og stolti --- að fegurð hennar hrífur engan karlmann. ( ó )
Það sem gerir konuna yndislegasta í augum karlmanna er blíða hennar og yndisþokki,háttprýði hennar í allri framkomu,bros hennar,augntillit og málrómur,fótatak og allar hreyfingar,ást hennar og næmur skilningur á öllu því göfugasta í tilverunni,fórnfýsi hennar og sjálfsafneitun ( WHAT!!! ), sem glöggast kemur fram hjá mæðrum við börn þeirra. (hehehe). Alt ( skrifað eftir bæklingnum ) þetta myndar einskonar geislabaug,er sumar konur bera svo sýnilega með sér og hefir göfgandi en um leið töfra-mikil áhrif á karlmennina,vermir hjörtu þeirra og opnar þeim nýja heima og nýtt útsýni yfir lönd ástarinnar.
Sumar konur virðast fæddar með þeirri hamingju að vera pilta-gull ( gott orð! ), en eigi eru þær að fremur meiri mannkostum búnar en hinar,enda eru þess mörg dæmi,að bestu kvenkostirnir sitja auðum höndum á akri ástarinnar og fá eigi að hafast---af ýmsum ástæðum..... ( eeehh...)

Þar hafið þið það....lýkur nú lestri fyrsta kafla og vona ég að sumir eins og ég býði spenntir eftir næsta kafla..en þar mun Tobba fræða okkur um "RÖDDINA" .

p.s...karlmenn er þetta satt...sniff....